Đơs Crih 14 - Sră Goh 2018

Bơta bơrngơl gơla mơ bơta iơh bơsak jơi kòn mơnus dê

Jơnau Đơs Crih Dabit cih. Ai cau lam bồ đơs chò in ngui

¹ Cau bơrngơl gơla đơs tòm nùs lah: “Ò gơs Yàng Tom Trồ.” Bol khai ƀơ̆ iơh lơm, bol khai lơh ală bơta ngkòr ngkàc, Ò gơs cau lơi lơh bơta niam.

² Yàng Jehôwa bơh đang trồ tơmềt sền kòn mơnus, Nàng lòng sền dilah gơs cau lơi jak chài, Mơ jòi jat Yàng Tom Trồ.

³ Jơh ală bol khai neh lòt tìs nrah, bol khai jơh tơl nă gơlik kră kơldang ndròm bal. Ò gơs dô nă cau lơi lơh bơta niam, Dô nă kung ò sơl.

⁴ Jơh ală cau lơh iơh bơsak ò git wă sơl ơ? Bol khai sa loan làng bol Añ jê be sa ƀañ, Mơ kung ò gơs tŭ lơi hòi dan mơ Yàng Jehôwa sơl.

⁵ Bol khai rơp gơkòl tòm bơta rngòt rngơt dờng, Bơh Yàng Tom Trồ ơm digùl jơi bơtiàn cau song ring.

⁶ Ală bol mê kòñ lơh roh jơnau bơyai cau rƀah dê, Mơya Yàng Jehôwa la tiah kìng crŭ bol khai dê.

⁷ Ôih! Kơp kòñ bơta dong klàs cau Israel dê rơp tus bơh Siôn! Tòm tŭ Yàng Jehôwa lam làng bol Kơnràñ dê bơh tiah kong kup cèng, Gen Jakôp rơp hòn chò mơ Israel chò hòp.