Đơs Crih 136 - Sră Goh 2018

Ưnngài Yàng Jehôwa tài bơh bơta kòñ gơboh kơ̆ dơn Kơnràñ dê gam sùm sùm

¹ Ưnngài tĕ Yàng Jehôwa, bơh Kơnràñ la niam, Bơh bơta kòñ gơboh kơ̆ dơn Kơnràñ dê gam sùm sùm.

² Ưnngài tĕ Yàng Tom Trồ ală yàng dê, Bơh bơta kòñ gơboh kơ̆ dơn Kơnràñ dê gam sùm sùm.

³ Ưnngài tĕ Yàng ală yàng dê, Bơh bơta kòñ gơboh kơ̆ dơn Kơnràñ dê gam sùm sùm.

⁴ Mìng dô nă Kơnràñ lơm lơh gơs ală bơta crih crài dờng, Bơh bơta kòñ gơboh kơ̆ dơn Kơnràñ dê gam sùm sùm.

⁵ Kơnràñ neh ai bơta jak chài mơ crơng gơs ală tap trồ, Bơh bơta kòñ gơboh kơ̆ dơn Kơnràñ dê gam sùm sùm.

⁶ Kơnràñ ơn ù tiah hơđang ală dà, Bơh bơta kòñ gơboh kơ̆ dơn Kơnràñ dê gam sùm sùm.

⁷ Kơnràñ crơng gơs ală bơta àng dờng, Bơh bơta kòñ gơboh kơ̆ dơn Kơnràñ dê gam sùm sùm;

⁸ Mattơngai nàng at bồ trồ ngai, Bơh bơta kòñ gơboh kơ̆ dơn Kơnràñ dê gam sùm sùm.

⁹ Kơnhai mơ ală sơmañ nàng at bồ trồ mang, Bơh bơta kòñ gơboh kơ̆ dơn Kơnràñ dê gam sùm sùm.

¹⁰ Kơnràñ neh tơnchơt ală kòn tơnhoa lơgar Ejiptơ dê, Bơh bơta kòñ gơboh kơ̆ dơn Kơnràñ dê gam sùm sùm.

¹¹ Kơnràñ cèng làng bol Israel lik lòt bơh digùl bol khai, Bơh bơta kòñ gơboh kơ̆ dơn Kơnràñ dê gam sùm sùm.

¹² Kơnràñ ngui tê pràn mơ tơwòr tê pò tơlik, Bơh bơta kòñ gơboh kơ̆ dơn Kơnràñ dê gam sùm sùm.

¹³ Kơnràñ cah is Dàlềng Pơrhê gơs bàr đah, Bơh bơta kòñ gơboh kơ̆ dơn Kơnràñ dê gam sùm sùm.

¹⁴ Kơnràñ ai làng bol Israel in lòt gan digùl dàlềng hơ̆, Bơh bơta kòñ gơboh kơ̆ dơn Kơnràñ dê gam sùm sùm.

¹⁵ Kơnràñ tơmbŭ Pharaôn mơ jơh ală mpồl ling khai dê tòm Dàlềng Pơrhê, Bơh bơta kòñ gơboh kơ̆ dơn Kơnràñ dê gam sùm sùm.

¹⁶ Kơnràñ tề lam làng bol Kơnràñ dê lòt gan ƀlàng bràs, Bơh bơta kòñ gơboh kơ̆ dơn Kơnràñ dê gam sùm sùm.

¹⁷ Kơnràñ tòmlơh mơ ală bơtau dờng, Bơh bơta kòñ gơboh kơ̆ dơn Kơnràñ dê gam sùm sùm.

¹⁸ Kơnràñ tơnchơt ală bơtau gơs tiơng pơnro, Bơh bơta kòñ gơboh kơ̆ dơn Kơnràñ dê gam sùm sùm.

¹⁹ Hơ̆ la Sihôn, bơtau làng bol Amôrit dê, Bơh bơta kòñ gơboh kơ̆ dơn Kơnràñ dê gam sùm sùm.

²⁰ Mơ Ôk, bơtau Bassan dê, Bơh bơta kòñ gơboh kơ̆ dơn Kơnràñ dê gam sùm sùm.

²¹ Kơnràñ ai lơgar bol khai dê lơh gơs sre brê, Bơh bơta kòñ gơboh kơ̆ dơn Kơnràñ dê gam sùm sùm.

²² Hơ̆ la lơh gơs sre brê làng bol Israel in, la cau duh broă Kơnràñ dê, Bơh bơta kòñ gơboh kơ̆ dơn Kơnràñ dê gam sùm sùm.

²³ Tòm tŭ bol hi kong cau sền òsơp, gen Kơnràñ kah bol hi, Bơh bơta kòñ gơboh kơ̆ dơn Kơnràñ dê gam sùm sùm.

²⁴ Kơnràñ dong tă bol hi klàs bơh cau sò tơm, Bơh bơta kòñ gơboh kơ̆ dơn Kơnràñ dê gam sùm sùm.

²⁵ Kơnràñ ai phan sa jơh ală jơi poac să in, Bơh bơta kòñ gơboh kơ̆ dơn Kơnràñ dê gam sùm sùm.

²⁶ Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.