Đơs Crih 13 - Sră Goh 2018

Hòi dan mơ Yàng dong kòl tòm tŭ bòl glar

Jơnau Đơs Crih Dabit cih. Ai cau lam bồ đơs chò in ngui

¹ Ơ Yàng Jehôwa, jơl tus di tŭ lơi taih? Kơnràñ rơp hŭi añ sùm sùm sơl ơ? Kơnràñ pơndơp mat di añ jơl tus di tŭ lơi taih?

² Añ pal kong jê tòm hwềng soàn añ nđò jŏ taih, Mơ jơh ngai mho gơs bơta moat jrùng jê sồt tòm nùs añ jơl tus di tŭ lơi taih? Cau sò tơm di añ rơp geh yò tơngguh rlau mơ añ jơl tus di tŭ lơi taih?

³ Ơ Yàng Jehôwa la Yàng Tom Trồ añ jê, dan sền sơwì mơ ho wơl añ, Mơ lơh mat añ in gơs àng, rngòt añ bic tòm bơta bic chơt mòn;

⁴ Rngòt cau sò tơm di añ đơs lah: “Añ neh pha rlau mơ khai.” Mơ ală cau sòdră di añ hòn chò tòm tŭ añ wañ lơnggơh.

⁵ Mơya añ neh kơnòm di bơta kòñ gơboh kơ̆ dơn Yàng dê; Nùs añ hòn chò bơh bơta dong klàs Kơnràñ dê.

⁶ Añ rơp đơs chò jòng ro Yàng Jehôwa, tài bơh Kơnràñ neh lơh bơta nđàc añ in ò git nđò.