Đơs Crih 128 - Sră Goh 2018

Cau lơi duh rngòt di Yàng Jehôwa gen gơs lơngai lơngò

Bơta đơs chò tơngguh hơđang

¹ Lơngai kòp nă cau lơi duh rngòt di Yàng Jehôwa, Mơ lòt tòm gùng dà Kơnràñ dê!

² Mê rơp sa cồng nha bơh broă bòl glar tê mê neh lơh; Mê rơp geh chò hòp mơ bơtoah bơtoài.

³ Bau ùr mê dê ơm tòm hìu mê, Rơp kung be chi ño gơlik plai oă; Kòn sau mê dê ơm gùt dar cơnòng mê, Kung ò gơkrơi be ală sơmbut chi Ôlibe.

⁴ Ngan, cau lơi duh rngòt di Yàng Jehôwa Gen rơp geh lơngai lơngò behơ̆ sơl.

⁵ Dan Yàng Jehôwa bơh Siôn ai lơngai lơngò mê in! Dan ai mê in gŏ bơta bơtoah bơtoài Jerusalem dê jơl jơh rài kis mê dê.

⁶ Dan ai mê in gŏ sau set mê dê! Dan Israel in geh bơta lơngap lơngai!