Đơs Crih 122 - Sră Goh 2018

Dan ai lơngai lơngò Jerusalem in

Bơta đơs chò tơngguh hơđang. Dabit cih

¹ Añ chò hòp tòm tŭ cau đơs mơ añ lah: “Bol he lòt lă tus hơ hìu Yàng Jehôwa dê!”

² Ơ Jerusalem, jơng bol he ơm ntào tòm ală mpồng mê dê.

³ Jerusalem la ƀòn dờng, Geh bơt gơtòmkơt bal kơ̆ cê.

⁴ Ală jơi bơtiàn làng bol Yàng Jehôwa dê guh hơ ƀòn hơ̆, Jat be bơta lơh nền cau Israel dê, nàng ưnngài sơnđan Yàng Jehôwa.

⁵ Tềng hơ̆ bơtào ală sơbàn cahrña, la ală sơbàn hìu nhă Dabit dê.

⁶ Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

⁷ Dan bơta ring lơngai ơm đah dơlam dơrñang mê dê. Mơ dan ală theng kơp gàr mê dê geh ơm lơngap lơngai!”

⁸ Tài bơh oh mi añ mơ cau bơyô añ jê, añ rơp đơs lah: “Dan bơta ring lơngai ơm tòm mê!”

⁹ Tài bơh hìu Jehôwa la Yàng Tom Trồ bol he dê, Añ rơp jòi bơta niam mê in.