Đơs Crih 120 - Sră Goh 2018

Dan Yàng dong klàs bơh di cau ma blac

Bơta Đơs Chò tơngguh hơđang

¹ Tòm tŭ jê sồt bòl glar añ rac dan mơ Yàng Jehôwa, Gen Kơnràñ ho jơnau añ.

² “Ơ Yàng Jehôwa, dan dong tă añ klàs di bơr sơndồi đơs blac, Mơ di lơmpiat blac pơrlồm.”

³ Ơ lơmpiat blac pơrlồm, ñchi cau ai mê in taih? Mơ ñchi bơta cau lơh tai mê in taih?

⁴ Rơp ai mê in ală kam sồt cau ling dê Bal mơ rnga ồs hơng chi pơnggŏ dê

⁵ Bòl glar añ in bơh añ ơm ing tòm Mesek, Mơ añ pal ơm digùl ală sàl Kedar dê.

⁶ Añ neh ơm jŏ ir digùl ală cau gơjrañ kơuềng di bơta ring lơngai.

⁷ Añ kòñ gơs bơta ring lơngai; mơya tòm tŭ añ đơs, gen bol khai kòñ lơh bơta kơlìn.