Đơs Crih 12 - Sră Goh 2018

Yàng Tom Trồ la Bơtau dong kòl bol he bơh di cau iơh bơsak

Jơnau Đơs Crih Dabit cih. Ai cau lam bồ đơs chò in ngui jat sap liah

¹ Ơ Yàng Jehôwa, dan dong kòl bol hi, bơh cau duh rngòt ò gam tai, Mơ cau dòn song neh roh bơh digùl kòn mơnus.

² Kòp nă đơs jơnau blac chừt bal mơ gơp; Bol khai ai sơndồi rơmhòc mơ bàr đah nùs bol khai đơs.

³ Dan Yàng Jehôwa tơnroh jơh ală sơndồi rơmhòc, Mơ lơmpiat jak đơs pơnhừ să.

⁴ Hơ̆ la cau đơs lah: “Kơnòm di lơmpiat bol he geh pha rlau, Sơndồi bol he gơrê mơ bol he; ñcau la cau tòm bol he dê taih?”

⁵ Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

⁶ Ală jơnau ho pơgon Yàng Jehôwa dê la jơnau sàng goh, Kung be priă neh gơm tòm bơnhă ù, Mơ drèp tiar poh dơ̆.

⁷ Ơ Yàng Jehôwa, dan Kơnràñ rcang gàr bol hi, Mơ sền gàr bol hi bơh jơi bơtiàn do jơl sùm sùm.

⁸ Tòm tŭ bơta ơlă ơlai geh yò tơngguh digùl kòn mơnus, Gen cau iơh bơsak rơp lòt gùt dar ală đah.