Đơs Crih 110 - Sră Goh 2018

Yàng Jehôwa ai gơnoar at bồ bơtau in

Sră Đơs Crih Dabit dê

¹ Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

² Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

³ Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

⁴ Yàng Jehôwa neh srat să, mơ rơp ò tòmgơl nùs: “Mê la cau gơnoar ơn phan duh khoai gam sùm sùm, jat mpồl Melcijedek.”

⁵ Yàng Jehôwa ơm đah ma mê; Kơnràñ rơp lơh bơcah lề ală cau bơtau tòm ngai Kơnràñ gơhào gơjrañ.

⁶ Kơnràñ rơp lơh gơs bơta cahrña digùl ală làng bol, lơh làm jơh bềng lìu ƀồc chơt; Kơnràñ rơp bơcah lề ală cau at bồ tòm làm jơh plai ù.

⁷ Kơnràñ rơp ñô dà croh di gah gùng, Bơh hơ̆ Kơnràñ rơp pò bồ hơđang.