Đơs Crih 11 - Sră Goh 2018

Yàng Jehôwa la tiah kìng crŭ

Jơnau Đơs Crih Dabit cih. Ai cau lam bồ đơs chò in ngui

¹ Añ kìng crŭ să añ tòm Yàng Jehôwa; Mbe bol mê rgơi đơs mơ añ lah: “Dô pồn tĕ be sềm tòm mơnơm” taih?

² Ne, cau iơh bơsak wàr àtak, Mơ crap kam khai dê hơđang che gơ, Nàng tòm trồ mang pañ di cau song ring,

³ Dilah ală mơnàng gơkòl gơprah gơpring, Gen ñchi cau song ring rgơi lơh taih?

⁴ Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

⁵ Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

⁶ Kơnràñ rơp tơndùh ồs mơ siau kung be mìu hơđang cau iơh bơsak; Dô ròs càl duh trơàl rơp la pơnah bol khai in.

⁷ Bơh Yàng Jehôwa la song ring; Kơnràñ kòñ gơboh broă lơh song ring; Ală cau song ring rơp sền gŏ muh mat Kơnràñ dê.