Đơs Crih 100 - Sră Goh 2018

Jơnau bơto tơngkah ală cau pal jòng ro Yàng Tom Trồ

Jơnau Đơs Crih ngui tòm tŭ ơn phan ơn ưnngài Yàng

¹ Ơ jơh ală lơgar, Ai tĕ jơnau dờng hòn chò jòng ro Yàng Jehôwa!

² Duh tĕ broă Yàng Jehôwa in dô bă chò hòp! Đơs chò tĕ mơ tus di đap Kơnràñ!

³ Dòp git tĕ lah Jehôwa la Yàng Tom Trồ! Să tòm Kơnràñ neh crơng gơs bol he, bol he gơrê mơ Kơnràñ; Bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê.

⁴ Ưnngài tĕ mơ mut tòm ală mpồng Kơnràñ dê, jòng ro tĕ mơ mut tòm ƀlàng jơng hìu Kơnràñ dê! Ưnngài tĕ Kơnràñ, jòng ro tĕ sơnđan Kơnràñ dê!

⁵ Bơh Yàng Jehôwa la niam; bơta kòñ gơboh kơ̆ dơn Kơnràñ dê gam gơs sùm sùm, Mơ bơta dòn song Kơnràñ dê gam jơl jơh ală rài.