Đơs Crih 1 - Sră Goh 2018

DAP DÙL ( Đơs Crih 1 – 41 ) Pơndròm cau song ring mơ cau iơh bơsak

¹ Lơngai cau lơi in ò jat jơnau bơyai cau iơh bơsak dê, Ò ntào tòm gùng cau glài, Ò nggui bal mơ cau dơñŏ tơnhial;

² Mơya khai chò hòp bơh bơta boh lam Yàng Jehôwa dê, Mơ kơlôi sơnơng bơh bơta boh lam hơ̆ ngai mơ mang.

³ Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

⁴ Cau iơh bơsak ò di behơ̆ ò, Mơya bol khai ò gơkrơi be nsiap càl khồm gơ par roh thit.

⁵ Tài bơh hơ̆, cau iơh bơsak ntào ò jai tòm ngai cahrña, Cau glài kung ò geh mut tòm mpồl jơnum cau song ring dê sơl;

⁶ Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.