ZECHARIAH 3 - LEKHARABU INTHENG (BSI)

Sânkathem Hmangtalâra Thempu Kalen

¹ Hmangtalâr ahlop inkhat a Rōngpu’n Thempu Kalen Joshua khan Rōngpu hmaikunga angir kha amanhmu eng. Khana Joshua hnenga khan Seitan kha leikangir, Joshua maset kapek sik a intluk a leika-om.

² Rōngpu ngeva khan Seitan hneng, “Rōngpu’n nang maset peche rasoh, Seitan! Jerusalem inlungset Rōngpu’n maset peche rasoh. Hiva mipa hi hmeishunga a’nkeisōt sungtlōn kapō kae,” ati.

³ Joshua kha khana khan pōn kachok hei a’nsia kangira ka-om.

⁴ Ngeva khan a’nthōpui asap-hei hneng ahri, “Hiva mipa pōn kachok si hei hi hliksōt pek ruh.” Khava sōa Joshua hneng ahri, “Nang setna kalosōt jo khana pōnther na’nsi sik a kapek sik che.”

⁵ Joshua lua lukôm intheng mankômna sik a ama’n a-inṭangpui hei hneng ṭong apek jo hei. Khanga antlo pek jo, khana Rōngpu ngeva kha khana khan kangira a-omlai, Joshua chunga pōnther anmansi joa kae.

⁶ Khava sōa ngeva khan Joshua hneng

⁷ Chunghnung Rōngpu ṭonghri kha ahri pek, “Nang in kadânhei najuia khana tlo roh tia kahri kha natlo’nchu, kabek-inn leh khava ṭong tanna inn akhenga nahnenga kamanngan sik, khana kahmai kunga aka-om ngevahei derna karangei kapōa, nang derna karangei sik.

⁸ Khana rangei roh, Joshua, Thempu Kalen nang; khana ama asap changpui thempuhei, hnung kakhôr pha sik a mêrchîkna kaṭha akachang loi nangni, rangei ruh: Kasōk inkhat, Thing bâk tia anphō kha kamalârsōt sik jo kae!

⁹ Ke’n Joshua hmaikunga ahmai 7 ka-om hlung inkhat kada sik. Khava chunga ke’n manhretna inkhat kahem mazet sik, ni khat shunga hiva ram setna kha kalosōt sik jo.

¹⁰ Khava kani kha ajōng pha, nanvomhrui rahōn leh theichangkung in akekhumna hmun a, nankhō ven hei anhonga mōngna leh inhukna anchenna sik nangni inkhat et in nanbek sik jo hei.”