Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

ZECHARIAH 2 - LEKHARABU INTHENG (BSI)


Tena Tekam Hmangtalâr

1 Hmangtalâr hlop inkhat a atena tekam kachoi pase inkhat kahmu.

2 Ke’n ahnenga kader, “Nang khon mo akase sik che?” Ama’n amasôn eng, “Jerusalem adung avai tena sik a akase eng kae.”

3 Kahnenga ṭongkahri ngeva kha hmating kasea ngeva hlop inkhat in intōpui sik a akahong kha kaleihmu.

4 Ahma inkei ngeva khan inkhat hnenga khan ahri, “Tlân roh khana tena tekam kachoi rethernai hneng manthei roh ti chu Jerusalema mihring leh ranhring katamtak hong ka-om sik hei khachu rape nikhâr a akan sik hei changmak.

5 Rōngpu’n ṭong aṭep jo, ti chu ama khet khōpui hrungna sik a akimvea hmei rape kachang sik jo khana ama’n khana khan alûrna rakip leh ka-om sik jo.”


Rehringa Antasurhei Innting Bekmalena

6-7 Rōngpu’n amihei hneng ṭong amanthei hei, “Ke’n ram rakip a kachai kathek jo hei. Tâk-kha tûnchu, nangni rehringa anta heisur hei, Babylona inphut heitlânsōt jo ruh, Jerusalema he’nle jo ruh.

8 Nangni nankasukset hei kha kei hnenga mankatampen inkhat antasukset leh thakhat kae.” Achang jâra Chunghnung Rōngpu’n amihei kasuk inbōi jât-hei hneng hiva ṭong hi ava inthei sik a ahei tir eng:

9 “Rōngpu khet in nangni re kadōi sik chei, pha khat a nansōk kachang hei khan nangni ansukset sik jo chei.” Hivahi asōk pha, Chunghnung Rōngpu’n kei hi ajōngtir eng kae tia nanmanhret sik.

10 Rōngpu’n ahri, “Jerusalem mihei, inpâk a hla sak ruh! Nangni kâra aka-om sik a kei kajōng jo eng!”

11 Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

12 Judah hi vōi khat nôk aram intheng shunga Rōngpu karōipui lakachang sik, khana Jerusalem hi alungsetpen khōpui kachang sik.

13 Rōngpu hmaikunga mi rakip sip ti ruh, ajârchu ama kha a-omna hmun inthenga inphut kajōnga kae.

Komrem Revised Bible - LEKHARABU INTHENG

Copyright © Bible Society of India, 2015.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ