THUHMINGHEI INKHATNA 18 - LEKHARABU INTHENG (BSI)

David Retorna

¹ Pha chomkhat sōa Reng David in Philistihei avea abuhlu hei khana aleitor hei. Anmani thōia aleika-om Gath leh akimvea ka-om khōhei kha alosō hei.

² Ama’n Moab he’m ator heia ama mi, ahnenga ramsêrṭhei kapek hongkachang hei.

³ Abânna, David in Hamath ramṭhen hnenga, Syria ram Zoba a ka-om Reng Hadadezer chunga abuhlu nôk, ajârchu Hadadezer khan Euphrates Tuidung sak tinga ramṭhen kha avea hlōna sik a le’ntluk a kae.

⁴ David in ashakor gâri 1,000 shakor remi 7,000, ke remi 20,000 asurpek hei. Shakor gâri 100 sik ashakor katluk a adasō leh alakseng chu anke avōk mathlek pek jo hei.

⁵ Damascus a Syria he’n Reng Hadadezer kabôm sik a remi anheitir pha, David in abuhlu heia mi 22,000 athat heia kae.

⁶ Khava sōa anmani ramṭhen shunga remi rephōr asyema ama ram mi hongkachang hei khana ramsêrṭhei anpek joa kae. Rōngpu’n David kha hmun rakip a retorna amanneia kae.

⁷ David in Hadadezer remi ṭōnkarônhei sana pho kha asurpek heia Jerusalema aleichoia kae.

⁸ Ama’n sum-êng katamtak Tibath leh Kun, Hadadezer vairônna khōpui heia inphut achomsōt, (Hnunga hiva sum-êng hi Solomon in Bek-inn sik a tuikông, kacho, khana be leh bûr syemna aleihmang).

⁹ Hamath a Reng Toi khan David in Hadadezer remi seng atorsō jo hei ti hi aleithei jo.

¹⁰ Khava jâra asapa Joram kha Reng David ratōna sik a khana Hadadezer ator jâra inpâkna akahri sik a aleitir, hivapa chunga Toi khan hmun katamtak a re aleidōi jo kae. Joram khan David hnenga sana, dangka khana sum-êng kutchoi ahei choi pek a kae.

¹¹ Rn David in khahei kha kamukna hmangchâk sik a tōkna anei hei, hihei hi leh inṭhōia jât mi aleitor hei — Edom, Moab, Ammon, Philisti, khana Amalek-heia inphut achomsōt sana dangka atōksa hei.

¹² Abishai, Zeruiah, sapa khan Edomhei kha Chi Phaichama re aleitor hei khana mi 18,000 aleithat hei.

¹³ Ama’n Edom ram pumpuia rephōr aleisyem, khana aleika-om hei kha David ram mi kachang jo hei. Rōngpu’n David kha hmun rakip a retorna amanneia kae.

¹⁴ David in Israel pumpuia vai arôn jo khana amihei kha ahei tik a kaṭhatak a leh kadiktak a razenna sik a aleitlo.

¹⁵ Abishai naipa Joab kha remihei hlamkakei kae; Ahilud sapa Jehoshaphat kha lekha inzet katinta kae;

¹⁶ Ahitub sapa Zadok leh Abiathar sapa Ahimelech hei kha thempuhei kae; Seraiah kha reng-innpui shunga a a’nzetpa kae;

¹⁷ Jehoiada sapa Benaiah kha David kahrunga nganse kae, khana Reng David sapahei kha ama ṭōn tlona shunga ṭōn kalen anmatua kae.