NEHEMIAH 12 - LEKHARABU INTHENG (BSI)

Thempuhei leh Levihei Rahming

¹ Athōia hei hi rehring sura inphut Shealtiel sapa Zerubbabel khana Thempu Kalen Joshua leh ahe’nle hei man-gôrna kha kae: Seraiah, Jeremiah, Ezra, Amariah, Malluch, Hattush, Shecaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah, khana Jedaiah. Joshua phat a hiva mihei hi anthempu changpui hei kâra hlamkakeihei kha kae. Athōia hei seng hi manpâkna hlasakna manngan hei kae: Jeshua, Binnui, Kadmiel, Sherebiah, Judah khana Mattaniah.

Thempuhei: Levihei

⁹ Athōia hei seng hin insôntōa hlakasak rup le’nsyem hei: Bakbukiah, Unno khana an-Levi changpui hei.

Thempu Kalen Joshua Sōn leh Pârhei

¹⁰ Joshua kha Joiakim pa kae; Joiakim kha Eliashib pa kae; Eliashib kha Joiada pa kae;

¹¹ Joiada kha Jonathan pa kae; khana Jonathan kha Jaddua pa kae.

Thempu Phungṭhen Hlamkakeihei

^12-21 Joiakim in Thempu Kalen aleichanglai aṭhōia thempuhei seng hi thempu phungṭhen kâra hlamkakeihei kha kae: Thempu Phungṭhen Meraiah Seraiah Hananiah Jeremiah Meshullam Ezra Jehohanan Amariah Jonathan Malluchi Joseph Shebaniah Adna Harim Helkai Meraioth Zechariah Iddo Meshullam Ginnethon Zichri Abijah … Miniamin Piltai Moadiah Shammua Bilgah Jehonathan Shemaiah Mattenai Joiarib Uzzi Jedaiah Kallai Sallai Eber Amok Hashabiah Hilkiah Nethanel Jedaiah

Thempu Phungṭhen Thempu leh Levi Innshunghei Lekharabu

²² Athōia Thempu Kalenhei hring lai khan Levi mihei leh thempuhei innshung karônhei lekharabu anleida: Eliashib, Joiada, Jonathan khana Jaddua. Darius in Persia reng achanglai hiva lekha hi anmazetsōt.

²³ Eliashib tupa Jonathan pha katlunga, Levi innshung karônhei kha invairônna lekha shung rōk a le’nzet hei.

Bek-inna Ṭōn mannganna

²⁴ Hashabiah, Sherebiah, Jeshua, Binnui khana Kadmiel hei mantheina thōia Levihei kha ruprup a le’nsyem hei. Pathen mi, Reng David mantheina dungjuia rup 2-2 in, pha khat a insôntō pum a Pathen manpâkna annei ri.

²⁵ Athōia bek-inn kahngâk-hei hin kot hneng heia inphut Bek-inn neinâk dana den akahngâk sik a manngan hei kae: Mattaniah, Bakbukiah, Obadiah, Meshullam, Talmon khana Akkub.

²⁶ Hiva mihei hi Jehozadak tupa khana Joshua sapa Joiakim leh ram vaikarônpa Nehemiah leh Dân inhret Ezra thempuhei pha shunga leika-om hei.

Nehemiah’n Khōpui Bang Atōksōt

²⁷ Jerusalem khōpui bang kha tōksōtna annei pha, sumkutben leh serângdâr mahringna vâng leh manpâkna hla akasak sik a Levi mihei kha an-omna hmun et a inphut anleiṭhōi hei.

²⁸ Hlakasak Levi innkōhei kha anleiomna Jerusalem vena leh Netophah vena khōpuite hei,

²⁹ khana Bethgilgal, Geba khana Azmaveth a inphut le’ntûp hei.

³⁰ Thempuhei leh Levihei khan anbinga sik, mipuihei sik, kot-hei sik a leh khōpui bang sik a suk manthengna anleinei.

³¹ Judah hlamkakeihei kha bang chunga ke’n kamantûp hei khana Pathen manpâkna akanei sik, khōpui kimvea injôkna akanei rup kalen 2 hei ankatinta kamanchang hei. Ahma kakei rup khan bang chunga changtinga Akachok Kekot ting kase hei.

³² Hoshaiah khan hlakasak hei kahnunga le’njôk, Judah hlamkakei aṭim inkhat in ankahnung anleijui.

^33-35 Aṭhōia thempuhei hin pengkun antuma abâna injôk hei: Azariah, Ezra, Meshullam, Judah, Benjamin, Shemaiah leh Jeremiah. Abâna Shenaniah tupa khana Jonathan sapa Zechariah kha kase. (Ama apa-apu hei kâra Mattaniah, Micaiah, khana Asaph phungṭhena Zaccur kha inveisa hei.)

³⁶ Aphungṭhen shunga mi ralak he’n akahnung anleijui–Shemaiah, Azarel, Milalai, Gilalai, Maai, Nethanel, Judah, leh Hanani hiseng. Pathen mi, Reng David in aleihmang hlasakna hmangchâk-hei kha anmani seng in anleichoi. Hiva mipui injôkna hi lekha kathem Ezra khan aleiching hei.

³⁷ Tuiripût Kekot a anmani’n David khōpui sorna kake heia, David reng-innpui anpea, khōpui nisōtinga khan Tui Kekot banga khan he’nle nôk hei.

³⁸ Manpâkna kapek rup hlop inkhat khan bang chunga veiting kase hei, khana ke’n mipui aṭimkhat hei leh kanlei jui hei. Keini injôk unga Ratap Ber kha kanpea Bang Kalen ting kase ung,

³⁹ khana inphut keini Ephraim Kekot, Jeshna Kekot, Nga Kekot, Hananel Berte leh Raja khat Berte hei kankhea Kemōng Kekot ting leikase ung. Keini injôkna kha Bek-inn kot hnenga inhnga jo ung.

⁴⁰ Khang’khan Pathen manpâkna akanei rup 2 hei khan Bek-inn vena kha katlung jo hei. Kei leh ale’nṭhōi hlamkakeihei chung nôk a khan,

⁴¹ kei rup shunga hiva pengkun katum thempuhei hi inveisa hei: Eliakim, Maaseiah, Miniamin, Micaiah, Elioenai, Zechariah, leh Hananiah;

⁴² khana anmani kha Maaseiah, Shemaiah, Eleazar, Uzzi, Jehohanan, Malchijah, Elam leh Ezer hei hin ankahnung anleijui. Jezrahiah hlamkeina hlakasak hei khan torchena ka-ông heia hla anleisak.

⁴³ Khava ning khan inthoina katamtak le’ntōk, mihei kha Pathen in ningṭhatna apek hei jâra inpâk hranghra hei. Nuhmei naipanghei reveia khan inchun et hei, an-inpâk rasa akahlatak a inphut intheia kae.

Bek-inn Shunga Kamukna sik Pekna

⁴⁴ Khava phat khan Bek-inn sik a antapek hei, sem sômhei leh akum kum a sâng ahma inkei leh akahmin kara hma-inkeihei dana den katinta sik a mi inda hei. Dân dungjuia thempuhei leh Levihei sik a antapek sik kha khōpui hnenga hleipuk heia inphut hiva mihei hin anleiṭheisōt a kae. Judah mi pumpui in, thempuhei leh Levihei chunga leikatlâi heia kae,

⁴⁵ ajârchu Pathen in ṭong aleipekna hei dungjuia suk manthengna rōi leh alak bekna hei kha anmani’n anleitlosōt joa kae. Bek-inn hlakasak hei leh Bek-inn kahngâk he’num reng David leh asapa Solomon hei taleisyem dân dungjuia anṭōn anleitlosōt jo hei.

⁴⁶ Tenlaia Reng David leh hlapu Asaph pha a inphut, hlapu hei khan Pathen manpâkna leh choi ka-ânna hlasakna hlam anleikei hei.

⁴⁷ Zerubbabel leh Nehemiah pha shunga khan Israel mihei khan Bek-inn hlapu hei sik leh bek-inn kahngâk-hei inthōpuina sik a ani katai kutchoi pekna anleinei. Mipui he’n Levihei hneng inthenga tōkna kha anleipek hei, khana Levihei khan pek sik dôr kha thempuhei hneng anpek nôk hei.