NEHEMIAH 10 - LEKHARABU INTHENG (BSI)

¹ Ahma inkeipena rahming inzet sik khachu Hacaliah sapa Nehemiah, ram vaikarônpa kae khana abâna Zedekiah’n amazet a kae. Athōia he’num anrahming anleimazet: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Ginnethon, Baruch, Meshullam, Abijah, Mijâm in, Maaziah, Bilgai, khana Shemaiah. Azania sapa Jeshua, Henadad phungṭhena Binnui, Kadmiel, Shebaniah, Hodiah, Kelita, Pelaiah, Hanan, Micah, Rehob, Hashabiah, Zaccur, Sherebiah, Shebaniah, Hodiah, Bani, khana Beninu. Parosh, Pahath Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Magpiash, Meshullam, Hezir, Meshezabel, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabna, Maaseiah, Ahiah, Hanan, Anan, Malluch, Harim, leh Baana.

Thempuhei: Levihei: Mipui Hlamkakeihei: Inhnōmna

²⁸ Israel mi keini, thempuhei, Levihei, Bek-inn kahrunghei, Bek-inn hlakasak hei, Bek-inn ṭōn katlohei, khana alak Pathen Dân kajuiseng in, ram hlop mi kanrama ka-om jât-hlop heia inphut inṭhensōt jo ung, keini kannuhmeihei leh khana mandon theina kanei ahong kalen jo kansahei seng in

²⁹ Pathen in asōkpa Moses hneng aleipek Pathen Dân dungjuia kahring sik ung khana khavakha kavōk-khōi inchu hâksêrna kanchen sik tia intepna inkhat thōia kanhlam kakeihei kha kanjui jo hei; khachu Rōngpu kan-Pathen in ṭong apek ung rakip kha kanjui sik; khana adân rakip leh arangei rakip kanjui sik tina kae.

³⁰ Kanram shunga aka-om ram hlop mihei leh jōr inlomak ni’ung.

³¹ Ram hlop mihe’n sâng leh heikhat kanhnenga jōr sik a châmhngat ning a-emak leh alak kani intheng ning anheirôn inum anmani hnenga inphut rachôkmak ni’ung. Kum 7 tlukna akaia ram kha hlei thlō mak ni’ung khana bat rakip um inlomak ni’ung.

³² Bek-inna sêr leh sum akahlut sik hei kha inthōpuina sik a akum rakip a keini inkhat et in dangka gram 5 sasâm kanpek sik.

³³ Athōia hei hi Bek-inn kamukna sik a kantōk sik: a’ntheng buhlom, ani tina hmuchi tōkna, ni khat a ro-inthoina sik ranhringhei, Châmhngat ninga a’ntheng tōknahei, Thlather Revei leh alak rehōihei, khana a’ntheng ralak-hei tōknahei, Israelhei set inthengna sik tōknahei, khana Bek-inn sik a arangei alak-hei seng kha kanpek sik.

³⁴ Dân dungjuia, khova phung he’nmo Rōngpu hnenga ro-inthoina ran rona sik a thing hei kha antapek sik tia mipui keini, thempuhei khana Levihei leh vâng-enna akum kataia kantloṭhak sik.

³⁵ Ahma inkeia kanta khôm sânghei leh kanthei kunga akahmin karahei kha akum katai tōkna sik a Bek-inna kanchoi sik hei.

³⁶ Kansapa ahma inkeia kantanei hei kha dân dungjuia Bek-inna thempuhei hneng kanṭhōi sik hei, Pathen hneng kanpek sōt sik hei. Kansepui he’n antanei te hma-inkei, ke leh kemōngpui he’n ahma inkeia antanei ante hei kha kanpek sōt sik hei.

³⁷ Akum kataia ahma inkeipena kanta khôm kara heia inphut ansyem jâmdi leh aralak ju, olive thai, khana theikara rakip hei kha Bek-inna thempuhei hneng kanpek sik. Kanram shunga hmuchi sem sôma inkhat kha kankhōa sem sôm kaṭhei, Levihei hneng kanpek sik hei.

³⁸ Aaron sōnhei khan sôma inkhat kha anṭhei pha Levihei leh inṭhōi sik hei, antakhômsōt rakip a sem sôma inkhat kha, Bek-inna hmang sik a, bek-inn karōi bukna anchoi sik.

³⁹ Israelhei leh Levihei khan antatōk sik sâng, ju, olive thaihei kha Bek-inn be leh bûr dana neinâk bukna den a, khova ṭōnhlam katlo thempuhei, bek-inn kahrunghei, khana bek-inn hlakasak hei innhei omna hmun a khan anchoi sik hei. Keini’n Pathen inn kha donlo tlomak ni’ung.