MIJAHEI 1 - LEKHARABU INTHENG (BSI)

Israelhei Mija tei Hma inkeipen

¹ Israel mihe’n Egypt andahlon sōa kum 2 leh thla 2 tlukna kanikhō hma inkeipen ning Sinai nêrdiram a Rōngpu omna Pōn-inn shunga Rōngpu’n Moses hneng ṭong ajōng hri. Ama’n ati,

² “Nang leh Aaron in aphung leh innkōa mija nantatei sik kae. Pase rakip

³ kum 20 a inphut chungting seng remia a’nṭangthei seng.

⁴ Nankabôm sik a aphung rakip upa inkha-khat bek hei ruh.”

^5-16 Anphung shunga hlamkakei pasehei, ṭōn sik a kadeisōt hei khachu hihei hi kae: Phung Innshung pipa Reuben Shedeur sapa Elizur Semion Zurishaddai sapa Shelumiel Judah Amminabad sapa Nahshon Issachar Zuar sapa Nethanel Zebulun Helon sapa Eliab Ephraim Ammihud sapa Elishama Manasseh Pedahzur sapa Gamaliel Benjamin Gideoni sapa Abedan Dan Ammishaddai sapa Ahiezer Asher Okhran sapa Pagiel Gad Deuel sapa Eliasaph Naphtali Enan sapa Ahira

Phung Innshung pipa

¹⁷ Hiva pase 12 hei inthōpuina Moses leh Aaron in

¹⁸ thla hni tlukna kanikhō hma-inkei ning vaipui anbek mantûp jo hei, mi rakip kha anphung et a-innkō et a rahming anmazet manhlut jo. Pase rakip kum 20 chung seng Rōngpu ṭongpek dungjuia

¹⁹ anteia ansun manhlut jo hei. Moses’n Sinai ram thōia mihei kha anrahming aleikhum jo.

^20-46 Jacob sapa upapen Reuben phunga inphut, phung leh innshung dungjuia pase kum 20 leh achang seng, sepei ṭōna rahōi kasōk hei rahming kha anleikhum jo. Ankhenga mija khachu: Phung Aja Reuben 46,500 Simeon 59,300 Gad 45,650 Judah 74,600 Issachar 54,400 Zebulun 57,400 Ephraim 40,500 Manasseh 32,200 Benjamin 35,400 Dan 62,700 Asher 41,500 Naphtali 53,400 Total: 603,550

Phung Aja

⁴⁷ Levi mihei chu phunglak-hei leh inkhumsap mak hei,

⁴⁸ ajârchu Rōngpu’n Moses hneng aleiti,

⁴⁹ “Nang in pase sepeia a’nṭangthei sik rahming natei pha leh Levi phung chu mazet manhlut mak roh.

⁵⁰ Khava kanek a Levihei kha ka-omna Pōn-inn leh aneinâk ka-en sik jôk a nganse hei ruh. Anmani’n khavakha leh ahmangchâk hei ankadom lele sik, ashunga anrazen sik, khava kimvea anrephōr ansyem sik.

⁵¹ Nanrephōr nanṭhon chena Levi he’n Pōn-inn antamaṭhuma rephōr hmunthera antamanngir sōt nôk sik kae. Tu inkhat rephōr hnenga akahong kha that sik kae.

⁵² Israel milak seng in rephōr kha ansak sik, pase rakip anruprup a, anrahming târna et a ka-om sik hei.

⁵³ Tâk-kha Levi he’nchu Pōn-inn kimvea rephōr ansak a anhngâk sik, khavakha tûte’n anheihnai makna sik leh Israel pumpui chunga hnuknat a kasukset makna sik a kae.”

⁵⁴ Khang’khan Rōngpu’n Moses hneng ṭong aleipek rakip kha Israel mihe’n antlosō pet a kae.