LEVI-DÂN 25 - LEKHARABU INTHENG (BSI)

Kum 7 Tlukna

¹ Rōngpu’n Sinai Tlâng chunga Moses hneng ṭong ahri khana

² dânhei hi Israel mipuihei hneng amathlung sik a ṭong aleipek. Rōngpu’n apek chei ram kha nanhlō pha, kum 7 tlukna rakip kha hlei thlō loa Rōngpu kajana nantapek sik kae.

³ Kum 6 shunga nanhlei hei inthlō ruh, nanvomhrui rahōn manhleng ruh, khana nanhlei kara inlōk ruh.

⁴ Tâk-kha kum 7 tlukna khachu hleihei sik pui katluk a châmhngatna kum kae, Rōngpu hneng tōksōt kum kae. Nanhleia hmuchi vormak ruh, nanvomhrui manhleng mak ruh.

⁵ Hmuchi tukloa abibinga ahong kakek kara kha ât mak ruh, khana manhlenglo vomhrui theikara kha’m ṭhōtmak ruh; ajârchu ram sik a khavakha pui katluk a châmhngatna kum kae.

⁶ Hleihei kha khava kum a nanthlōmak inum nangni sik, nansōk-hei sik, nanminek hei sik, ram hlop mi nankâra ka-om hei sik,

⁷ nanranhei leh shahei tasâk sik a thlai apek sik chei. Kara amanra rakip kha nansâk thei sik.

Pek male Kum

⁸ Kum 7 kha ve 7 tei ruh, kum 49 kae.

⁹ Khava sōa thla 7 tlukna ni 10 ning, Pekmalena Kani kae, pengkun katum inkhat ram pumpuia tir ruh.

¹⁰ Hing’hin kum 50 tlukna kha ahlop a ṭhen una ram shunga ka-om mi rakip hneng ning leh hnōma masō anchangna kha phông ruh. Hiva kum shunga hin neinâk ale’njōr rakip akapu marō a-emak leh asōnhei hneng pek male sik, tu a-enum sōk a ale’njōr mi kha a-innshung hneng tir male sik kae.

¹¹ Nahleia hmuchi nanta vormak sik, abinga kakek kara nantakhôm mak sik, khan chu nanta manhleng mak vomhrui thei nanta ṭhōtmak sik kae.

¹² Kum katlung bit kha nangni sik kum intheng kae; hleia akasōk karahei rōk kha nantasâk sik kae.

¹³ Hiva kum shunga hin alei injōrsōt neinâk rakip kha akapu marō hneng male sik kae.

¹⁴ Khava jâra nan-Israel changpui inkhat hneng ram nanjōr pha, a-emak leh narachôk pha dikmak a inhōn mak ruh.

¹⁵ Aman chu, abânna Pekmalena Kum amak hma kara inrana sik kum heija mo alaka-om enmantōk a hri sik kae.

¹⁶ Kum alatam inchu aman katam sik, kum atam mak inchu aman katlôm sik, ajârchu hlei khan kara heija mo amanpung sik kha a’njōr kae.

¹⁷ Nan-Israel changpui kha hōnmak ruh, nan-Pathen Rōngpu kha jui ruh.

Kum 7 tlukna Ṭōn

¹⁸ Rōngpu dân rakip leh aṭongpek seng nangni’n jui ruh, kha achang inchu nanrama kahōia ka-om sik chei.

¹⁹ Ram khan hmuchi kara amanpung sik, nanta madu chen nansâk sik, kahōia ka-om sik chei.

²⁰ Mi ṭhahrep in kum 7 tlukna khan hlei nithlō mak a, hmuchi kara heite nilōk mak inchu heimo nisâk sik tia ander thei.

²¹ Kum 2 sâk tlukna sik kara amanrana sik kum 6 tlukna ram kha Rōngpu’n mahâmṭhat apek sik kae.

²² Kum 8 tlukna hleia sachi nantuk pha, nanhmuchi tuk kha nanlōk mak kârseng, kum 6 shunga nantaleilōk kha nansâk lakatluk sik a kae.

Nei Pekmalena

²³ Nanram jōrsōt thang theimak tin chei, ajârchu nanta changmak; Pathen ta kae, nangni khōhme ângphunga nantahmang sik a ahnōm pek chei kha kae.

²⁴ Ram nanjōr pha, akapu marōpa’n rachôk malena ratha anei kha nantamanhret sik kae.

²⁵ Israel mi inkhat sara achang joa aram ajōr nger sik jo achang inchu, a’nhnai puipen innkō khan arachôk sik kae.

²⁶ Innkō kaneimak mi kha hnunga hong kahao thei, rachôk malena sik katluk a ahongnei theia kae.

²⁷ Khava sik a chu, ram inchôkpa hnenga, abâna Pekmalena Kum tlungna sik kum heija mo alabat kha leh intōk a sêr kha atei sik kae, khava pha ram kha achen male thei sik a kae.

²⁸ Tâk-kha katlen malena sik sêr aneimak inchu, abâna Pekmalena Kum katlunga mipa khan alanei sik kae. Khava kum a khan akapu marōpa hneng pek male sik kae.

²⁹ Tu inkhat in kurbang intuk khum khōpui shunga a-inn inkhat ajōr inchu, ajōrninga inphut kum khat atluk pha rachôk malena sik ratha aneia kae.

³⁰ Tâk-kha ama’n khava kum shunga khan arachôk male mak inchu, avea rachôkna sik ratha kha inhmang jo inn kha a’nchôkpa leh asōn he’n annei thang sik jo; Pekmalena Kum a khavakha inpek male mak jo ning.

³¹ Tâk-kha kurbang intuksi mak khōa innhei khachu hlei leh in-anga dân manse sik kae, akapu marōpa khan rachôk malena ratha anei, khana Pekmalena Kum a pek male sik kae.

³² Hei-achang inum, Levihei chu anmani ṭōn rônna khōpui senga anneinâk kha pha rakip a rachôk malena sik ratha annei.

³³ Khōpuihei shunga Levi mi inkhat in a-inn inkhat alei jōra arachôk male mak inchu, Pekmalena Kum a khan ama kha pek male sik kae, ajârchu khōpui heia Levihei innhei khachu, Israelhei kâra antâ akachang thang jo kae.

³⁴ Khana Levihei khōpui kimvea ramhâng khachu jōrsōt hêrmak sik kae; ahei tik a anmani chen kae.

Sara Hneng Neibat Pek

³⁵ Israel changpui nanhnenga ka-om inkhat asara changa abinga a’nvei tor mak inchu, nahnenga khang’khan ahring theina sik, ratha na-nek sōk-hei kapōa, sâk napek sik hei kae.

³⁶ Athōi heite lomak roh, Pathen ṭong jui roh, nasōpui Israel kha nahnenga om rasoh.

³⁷ Sêr namanpûk kha sêrthōi lomak roh, sâng najōr kha hnemna jongmak roh.

³⁸ Hivahi nan-Pathen Rōngpu ṭongpek kae, Canaan ram pekna sik a leh nan-Pathen changna sik a Egypt a inphut nanhei kaṭhōisōt kha kae.

Sōk Masōna

³⁹ Nasōpui Israel nahnenga aka-om inkhat sara achangrei jâra abinga sōk a nahnenga ahon’jōr inchu, nang in ama kha sōkṭōn namantlo mak sik kae.

⁴⁰ Ratha-nek sōk kapōa nahnenga ka-oma Pekmalena Kum katlung arazen sik che.

⁴¹ Khava pha khan chu ama leh asa he’n andahlon sik che, a-innshunghei hneng apa-apu karōi omna kase sik.

⁴² Israel mihei hi Rōngpu sōk-hei kae, ama’n Egypt ram a inphut aheiṭhōisōt hei kae, sōk a jōrmak sik hei kae.

⁴³ Hnuk kasetak a hmangmak hei ruh, tâk nan-Pathen kha jui ruh.

⁴⁴ Nangni’n sōk nanmadu’nchu, nanhneng vena jât-hlop hei nanrachôk thei.

⁴⁵ Nankâra ka-om jât-hlop hei sahei nanrachôk thei hei. Nanram shunga a’nte ansahei kha nanneinâk kachang thei sik hei,

⁴⁶ anhring lai seng nansahei inzen sik a chen inkhat a nandahlon pek thei hei. Tâk-kha nansōpui Israelhei chu hnuk kasetak a hmangthei mak tin chei.

⁴⁷ Tekhing inkhat a jât-hlop mi nankâra ka-om inkhat in ahongnei pha, nansōpui Israel inkhat asara chang jâra khava jât-hlop hneng mo, a-innkō inkhat hneng mo abinga sōk sik a a’njōr jo’nchu.

⁴⁸ Ama a’njōrsōt jo kahnunga ama inchôk malena sik a ratha alanei. Asōpui inkhat in,

⁴⁹ apakasin in, a-emak leh a’nhnaipui innshung mi inkhat in arachôk male thei sik; a-emak leh abinga sêr ahlōthei inchu abing sik a ning leh hnōm arachôk thei sik.

⁵⁰ Ama inchôkpa kha leh inbetō sik hei, abinga a’njōrsōt ninga inphut abâna Pekmalena Kum katlung antei sik khana amasōna man kha sōk inkhat ratha-nek dôra antei sik.

^51-52 Kum heija mo alavât khava dungjuia arachôkna aman ṭhahrep apek male sik,

⁵³ ama kha kum a ratha a’nnek kapōa intei sik. Akapupa khan kasetak a ahmang mak sik kae.

⁵⁴ Hiva dungjuia hin masōsōt achangtor mak inchu, ama leh asahei kha abâna Pekmalena Kum a masō sik hei kae.

⁵⁵ Israel mi inkhat kha sōk changthang theimak ning, ajârchu Israel mihei hi Rōngpu sōk-hei kae. Egypt ram a inphut aheiṭhōisōt hei kae; ama an-Pathen Rōngpu kha kae.