JOSHUA 15 - LEKHARABU INTHENG (BSI)

Judah Ram Manchen

¹ Judah phung innshung he’n athōia a’nhri ramṭhen hi anleichen: Ram kha thlang tinga Zin ramhâng thlang intongpen ahmor, Edom ramri katlung kae.

² Hiva thlanga ramri hi Tuipui Kathi thlânga ahmora inphut katlâna,

³ Akrabbim Rakanna inphut thlang ting kasea Zin katlung. Kadesh Barnea thlanga katlâna, Hezron leh Addar katlunga asuktan a, Karka ting inhea,

⁴ Azmon katlunga kase, khana Egypt ramria tuikōk ajuia Mediterranean Tuipuia avasun, khana khan aramri kha inchai jo. Khavakha thlâng tinga Judah ramri kae.

⁵ Nisō ting ramri chu Tuipui Kathi kae, khana khan Jordan tuidung ahong tlâkna kekâk dung katlung bit. Khana inphut sak tinga ramri inphut jo,

⁶ Beth Hogla katlung thlanga Jordan Phaicham hmutheina jo hlungkare sak ting khanga kase. Khava sōa Bohan Hlung langa kaketou (Bohan hi Reuben sapa kae.),

⁷ Inrengna Phaichama inphut Debir katlung, khana sak tinga Gilgal ting inhe, khavakha phaicham thlang intonga Adummim Rakanna inti kha leh inhnget hei. Khava sōa Enshemesh tuiripût a khanga kasea Enrogel a kasōk,

⁸ Jerusalem Jebush khōpui omna hmebung thlang panga Hinnom Phaicham shung katlunga kae. Ramri kha Hinnom Phaicham tlaitlâk panga tlânglêr katlung kakea, Rephaim Phaicham sak tinga akham katlung kae.

⁹ Khana inphut Nephtoa Tuiripût a kasea Ephron Tlâng hnenga khōpui heia kasōk. Khana inphut Baalah (a-emak leh Kiriath Jearim inti) ting inhe,

¹⁰ khana inphut Baalah tlaitlâk a inphut Edom tlângram ting akimvea, Jearim Tlâng (a-emak leh Chesalon inti) sak intonga kase, Beth Shemes thōia, Timnah apetan.

¹¹ Ramri kha Ekron sak a hmebunga kasōk, Shikkeronting inhe, Baalah Tlâng apetan, khana Jamnia a katlung. Khavakha Mediterranean Tuipuia kabâng,

¹² khavakha tlaitlâk tinga ramri kae. Hiva ramri shung heia Judah innshunga mihe’n ka-om jo hei.

Caleb in Hebron leh Debir Ahlō

¹³ Rōngpu’n Joshua hneng ṭong apek kapōa, ramṭhen ṭhahrep Judah phunga Jephunneh sapa Caleb hneng apek jo. Ama’n Anak pa, Arba khōpui chen, Hebron kha alo jo.

¹⁴ Caleb in khōpuia inphut Anak sōnhei–Sheshai, Ahiman khana Talmai phunghei kha ahnong sōt hei.

¹⁵ Khana inphut Debir a ka-om mihei kabuhlu sik a kase. (Hiva khōpui hi Kiriath Sepher tia’m inhret.)

¹⁶ Caleb in ati, “Kiriath Sepher kahlōa hme kasō hnenga kasanu Achsah kaman ompui sik.”

¹⁷ Caleb naipa sapa Kenaz sapa Othniel in khōpui kha ahlō jo, khava jâra Caleb in asanu Achsah ama hneng a-ompui sik a apek jo.

¹⁸ Luhông ning Othniel in anuhmei hneng, napahneng hleihmun kaṭha inkhat inder roh ati. Amanu’n Shakōrtung chunga inphut jōng kaṭuma Apa Caleb in heimo amadu tia aleider.

¹⁹ Amanu’n amasôn, “Tuisōkna tuikhur ṭhahrep kamadu. Napek eng ram hi ram chârna hmun a kae.” Khava jâra Caleb in chung leh thōia tuiri pûtna hei kha apek jo.

Judah Khōpuihei

²⁰ Judah phunga innshung he’n ankarōi chen inkhat a antarahlâng kha hiva ram hi kae.

²¹ Anmani tachen thlâng intongpena khōpuihei, Edom ramri hnenga ka-om hei kha, Kabzeel, Eder, Jagur,

²² Kinah, Dimonah, Adadah,

²³ Kedesh, Hazor Ithnan,

²⁴ Ziph, Telem, Bealoth,

²⁵ Hazor Hadattah, Kerioth Hezron (a-emak leh Hazor),

²⁶ Amam, Shema, Moladah,

²⁷ Hazar Gadda, Heshmon, Bethpelet,

²⁸ Hazar Shual, Beersheba, Biziothiah,

²⁹ Baalah, Iim, Ezem

³⁰ Eltolad, Chesil, Hormah,

³¹ Ziklag, Madmannah, Sansannah,

³² Lebao, Shilhim, Ain, leh Rimmon hei kae: akhenga khōpui 29, ankimvea khōpuihei leh.

³³ Tlâng khōpuihei khachu Eshtaol, Zorah, Ashnah,

³⁴ Zanoah, Engannim, Tappuah, Enam,

³⁵ Jarmuth, Adullam, Socoh, Azekah,

³⁶ Shaaraim, Adithaim, Gederah, leh Gederothaim khōpui 14, ankimvea khōpuihei leh.

³⁷ Khana khan Zenan, Hadashah, Migdalgad,

³⁸ Dilean, Mizpah, Joktheel,

³⁹ Lachish, Bozkath, Eglon,

⁴⁰ Cabbon, Lahmam, Chitlish,

⁴¹ Gederoth, Bethdagon, Naamah, khan Makkedah ka-omdea kae: khōpui 16, ankimvea khōpuihei leh.

⁴² Khana khan Libnah, Ether, Ashan,

⁴³ Iphtah, Ashnah, Nezib,

⁴⁴ Keilah, Achzib, khana Mareshah ka-omsa hei: khōpui 9, ankimvea ka-om khōpuihei seng leh.

⁴⁵ Khana khan Ekron inti ashunga khōpuihei leh khōte hei ka-om

⁴⁶ khana Ekrona inphut Mediterranean Tuipui akâra Ashdod hnenga, khōpui leh hmunpui rakip hei ka-om hei.

⁴⁷ Khana khan Ashdod leh Gaza, Egypt ramria tuikōk leh Mediterranean Tuipui katlung, khō leh khōpuihei leh ka-om hei.

⁴⁸ Tlângrama Shamir, Jattir, Socoh ka-om hei,

⁴⁹ Dannah, Kiriath Sepher (a-emak leh Debir),

⁵⁰ Anab, Eshtemoa, Anim,

⁵¹ Goshen, Holon, khana Giloh ka-om hei: khōpui 11, ankimvea khōpuihei leh.

⁵² Khana khan Arab, Dumah, Eshan,

⁵³ Janim, Beth Tappuah, Aphekah,

⁵⁴ Humtah, Hebron, khana Zior ka-om hei: khōpui 9, ankimvea khōpuihei leh.

⁵⁵ Khana khan Maon, Carmel, Ziph, Juttah,

⁵⁶ Jezreel, Jokdeam, Zanoah,

⁵⁷ Cain, Gibeah, khana Timnah ka-om hei: khōpui 10, ankimvea khōpuihei leh.

⁵⁸ Khana khan Halhul, Bethzur, Gedor,

⁵⁹ Maarath, Bethanoth, khana Eltekon ka-om hei: khōpui 6, ankimvea khōpuihei leh.

⁶⁰ Khana Kiriath Baal (a-emak leh Kiriath Jearim) khana Rabbah ka-om hei: khōpui 2, ankimve khōpuihei leh.

⁶¹ Nêrdiram shunga Beth Arabah, Middin, Secacah,

⁶² Nibshan, Chi khōpui, khana Engedi ka-om hei: khōpui 6, ankimvea khōpuihei leh.

⁶³ Tâk-kha Judah hei khan Jerusalema ka-om Jebush-hei kha leihnongsōt tor mak jo hei. Jebush-hei kha Judah hei leh tûn katlung laka-omsap hei.