JOSHUA 12 - LEKHARABU INTHENG (BSI)

Moses’n Aleitor Renghei

¹ Israel mipui he’n Jordan nisōtinga ram hi anleitor joa anleihlōsa jo, Arnon Phaichama inphut Jordan Phaicham katlung khana sak tinga Hermon Tlâng katlung. Reng 2 anleitor hei.

² Inkhat kha Sihon kae, Heshbona vaikarôn Amor reng kae. Ama rengram shunga Gilead ṭhen khat inveisa: khachu Aroer leh khava phaicham aṭimtak a khōpuia inphut, Ammon ramri, Jabbok Tuidung katlung kae;

³ hiva shunga Jordan Phaicham inveisa, Galilee Dîr thlânga inphut Beth Jeshimoth (Tuipui kathi nisōting) leh Pisga Tlânghnōi lang katlung kae.

⁴ Anmani’n Bashana Reng Og, Rephaim jât-hei achainapen inkhat kha’m anleitor; ama’n Ashtaroth leh Edreia vai aleirôn.

⁵ Ama rengram shunga Hermon Tlâng, Salecah, khana Bashan pumpui Geshur leh Maacah ramri katlung, khana Gilead aṭimkhat katlung, Heshbona Reng Sihon ramṭhen katlunga inveisa.

⁶ Hiva reng 2 hei hi Moses leh Israel mipui he’n anleitor hei. Rōngpu sōk Moses’n Reuben leh Gad khana Manasseh phung aṭimkhat hei hneng anchen sik a apek jo hei.

Joshua’n Ator Renghei

⁷ Joshua leh Israel mipui he’n Jodan tlaitlâk tinga ramṭhen heia reng rakip anleitor hei, Lebanon phaichama Baalgad a inphut thlang tinga Halak Tlâng, Edom hneng katlung. Joshua’n hiva ram hi phunghei hneng asempek hei, anchen kachang thang sik a aleipek hei.

⁸ Hiva ṭhen shunga tlângram, tlaitlâk a tlânghnōi, nisōa tlângsira tlângkung inveisa hei, thlanga ram chârna hei inveisa hei. Hiva ram hi Hit, Amor, Canaan, Periz, Hiv leh Jebush-hei leiomna kae.

⁹ Israel mipui he’n athōia khōpui renghei hi anleitor hei: Jericho, Ai (Bethel hnenga),

¹⁰ Jerusalem, Hebron,

¹¹ Jarmuth, Lachish

¹² Eglon, Gezer,

¹³ Debir, Geder,

¹⁴ Hormah, Arad,

¹⁵ Libnah, Adullam,

¹⁶ Makkedah, Bethel

¹⁷ Tappuah, Hepher,

¹⁸ Aphek, Lasharon,

¹⁹ Madon, Hazor,

²⁰ Shimron Meron, Achshaph

²¹ Taanak, Megiddo,

²² Kedesh, Jokneam (Carmel shunga),

²³ Dor (tuipui panga), Goiim (Galileea)

²⁴ khana Tirza – akhenga reng 31 hei kae.