JONAH 4 - LEKHARABU INTHENG (BSI)

Jonah Hnuknat khana Pathen Lungsetna

¹ Jonah kha hiva chunga hin amalung hōihêr mak jo khana ahnuk kana jo.

² Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

³ Tûnchu, Rōngpu, kei hi thi jo rong. Kei kahring kanek a kathi hin kaṭha jôk sik.”

⁴ “Rōngpu’n amasôn, “Nahnuk natna sik heiratha mo nanei?”

⁵ Jonah’n khōpui nisō intongting kasea in-ong jo. Abing sik a in-ungna asyema khava daihlima in-ong, Nineveh a heimo akasōk sik tia a-ena ka-om.

⁶ Khava pha Rōngpu Pathen in hruijâm inkhat amankek a Jonah omna ahōidetna sik a achunga daihlim aman om pek jo. Jonah kha hruijâm chunga inpâk hêr jo.

⁷ Tâk ajîng kania jîngkâra, Pathen ṭongpek a, rahlung in hruijâm kha asâk a kathi jo.

⁸ Kani ahong sōk pha, Pathen in nisōtinga thli kalum ahei manhrâng jo khana Jonah luchunga kani ra-âng in avōk a alumrei jâra pûr rong ati jo. Khava jâra ama akathi joa indon jo. Ama’n ati, “Kahring kanek a kathi’n kaṭha jôk jo.”

⁹ Tâk Pathen in ahnenga ati, “Thing hrui jâra nahnuk natna sik heiratha mo nanei?” Jonah’n amasôn, “Kei hnuk natna sik a ratha rakip kanei, thina sik katlunga kahnuk kana jo!”

¹⁰ Rōngpu’n ahnenga ati, “Hiva hruijâm hi jân khat rōk a hongkakek khana ajîng kania inhmang jo; khava sik a nang in heite’m tlomak che, nang in namankhang um changmak, kha’num ama sik a namalung hōimak a kae!

¹¹ Kha achang inchu, Nineveh khōpui kalentak sik a heituk mo lungset katarôn sik kasōk. Hei-achang inum khava shunga khan khō inhret mak naipang 120,000 kakhea ka-om hei, ranhring katamtak um ka-omsa hei.”