JOHN INTHUMNA 1 - LEKHARABU INTHENG (BSI)

¹ Upa a inphut– Kadiktak a kalungset, kamarit Gaius hnenga.

² Kaṭhōn marit, rathla langting kaṭha na-om kamanhret jâra, heirakip nang sik ṭhatthei achangna sik leh nadamna sik hi kader kae.

³ Christian sōpui ṭhahrep anheitlung pha nang ṭongdik a na-omṭhak jâra, heituk-hrep a ṭongdik a taksenthei akachang che mo ti anhri pek eng pha, kei le’npâk hêr eng.

⁴ Kasa he’n akadik a nan-om ṭong kathei, hiva kakhea heite inkhat in inpâkna apeksator mak ning.

Gaius Manpâkna

⁵ Kaṭhōn marit, na-Christian changpui hei sik a naṭōn leitlona kha, anmani khōhme anchanglaia naleitlo kha’m, taksenthei kachang che.

⁶ Hiva bekrup hnenga hin nang lungsetna chungchânga anvahria kae. Pathen tlaina sik hlam a anse injôn theina sik inthōpui hei roh.

⁷ Ajârchu anmani’n akataksenmak heia inphut inthōpuina heite rahlâng loa Christa ṭōn sik jâra khōhme akase hei kae.

⁸ Khan chu, akadik sik a anṭōn tlona chunga chen ninei theina sik a eini Christian in hiva mihei hi ni’nthōpui nger sik hei kasōk.

Diotrephes leh Demetrius

⁹ Ke’n bekrup hneng chithi katôitek inkhat kaheimazet jo, tâk anhlam kakei kachang hnōm Diotrephes khan kaṭong hri kha heitea leisak mak ning.

¹⁰ Khana, kei kajōng pha leh aṭōntlo rakip akhenga ka-en kaṭha sik: ṭit ka-omtatak a kanchunga ahrina hei leh maleisei ahrina hei chunga! Khava rōk kha’num latluk mak, sōpui Christianhei kha anhong pha ama’n leirahlâng mak hei ning khan chu khahei inthlung hnōm hei kapha akhâm sik hei, khana bekrup a inphut hnongsōtna sik a’ntluk sik kae.

¹¹ Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.

¹² Mi rakip in Demetrius anhri manṭhat; akadik khet kha’num ama ahri manṭhat a kae. Khana keini’m asâkhi kachangsa ung, khana keini tahri hi kadik tia nanmanhret.

Atorna Chibei

¹³ Ke’n kahri pek sik chei hingja ka-om, tâk muk leh kolôm vâng heimazet sik chei madu mak jo eng.

¹⁴ Inrangtak a nangni leh inhmubei sik me tia inhōr eng, khava pha leh taksakhet a inbektō sik jo me.

¹⁵ Malung mōngna’n ompui chei rasoh. Nanṭhōnhei seng in chibei anheitlo chei. Niṭhōn rakip hei hneng chibei leimathlung ruh.