Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

ISAIAH 53 - LEKHARABU INTHENG (BSI)

1 Mipui he’n anmasôn, “Tûnna kanṭong thangkōi hi tu’n mo ataksen sik? Tu’n mo hiva chunga hin Rōngpu bân rathahrat hi ahmutor sik?

2 Hivahi Rōngpu lungdo kae khachu asōkpa kha ralei kachâra rajung kathō thingkung kapōa kakek sik. Ama’n kaja theina leh hmeṭhatna heite neimak eini’n ama nimanhret theina sik om mak. Ama hnenga malung keiman hlutna a’nhret heite neimak, ama nisor hnōmna sik rahōi kasōk heite neimak.

3 Keini’n ama kanhnōisea kahlonsōt; ama’n inrengna leh natna ade. Tûte inkhat in a-en bek um enmak hei, ama kha heite aka-emak kapōa heisak mak me.

4 “Tâk-kha ama’n eini tade sik inrengna kha adepek jo me, khava eini tathōk sik natna kha. Ama inrengna karâkna hei kha Pathen tajōngtir kae tia nimandon.

5 Tâk-kha eini setnahei jâra ama’n sungbi arôn jo, eini’n ṭhatmak nitlo jâra ama anvōk jo. Ama inrengtak a ankarâkna khan eini amandam jo me, ama antakabenna khan amantheng seng jo me.

6 Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

7 “Ama inhnaktak a anleitlo manrim, tâk insinsaktak a aleide; ama’n ṭong beikhat bek um hrimak. That sik a kemōngte kapōa, asam vo sik kemōng kapōa, ama’n ṭong beikhat bek um hrimak.

8 Ama kha anleisur khana ṭong mathlâkna anneia that sik a anleikei, khana achungchânga tûte inkhatbek in leidon mak hei. Ama kha nimipuihei setna jâra anleithat jo.

9 Ama’n ṭhena heite aleitlo hêrmak inum khana maleisei aleihri hêrmak inum mikaset-hei leh thlân shunga anleihre sap hei, mikaneihei leh anvûmsap hei.”

10 Rōngpu’n ati, “Ama inrim sik kha kei lungdo kae; ama thina khan rangei mandam heirônsōtna sik a inthoina kha kae. Kha achang jâra ama’n asōn leh apâr ahmu sik hei; ama ahringkhō kasei sik, khana ama a inphut kei ṭōn mantlukna kha hme asō sik kae.

11 Inrengna hringkhō kha a’nchaisōa, avea hōina kha achen sik; hnemna kasea ama’n inrengna athōk changmak ti kha ama’n ahong manhret sik. A’npek sōt kasōkpa chunga kamalung katlai, mi katamtak hei karâkna chen sik kha arôn pek sik hei khana ama jâra anmani kha karangei mandam sik hei.

12 Khava jâra ke’n ama hneng kajana hmun kha kapek sik, mikalen leh ratha kaneihei kâra hmun kae. Ama’n alungdotak a ahringkhō kha apek sōt khana mikaṭhamak-hei chen sik rahōi kha a chensap pui hei. Ama’n mikaset katamtak hei hmun kha aloa anmani’n rangei mandam anchenna sik aderpek heia kae.”

Komrem Revised Bible - LEKHARABU INTHENG

Copyright © Bible Society of India, 2015.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ