ISAIAH 20 - LEKHARABU INTHENG (BSI)

Akarōkpet Sânkathem Merchîkna

¹ Assyria rengkalen Sargon ṭongpek dungjuia, Philisti khōpui Ashdod kha Assyria rehlam kakeipa’n re avasōa kae.

² Rōngpu’n kum thum mak hma, Amoz sapa Isaiah hneng, akekōk asōt a, bora pōnse a’nsi sik a ahri pek. Ama’n aṭong ajuia kekōk neiloa akehrem saia leikase.

³ Ashdod khōpui kha anhlō jo pha, Rōngpu’n ahri, “Kasōk Isaiah hi akehrem saia ake vâng kum 3 kalônna ka-om jo. Hivahi Egypt leh Ethiopia hnenga akasōk sik omchen mêrchîkna kha kae.

⁴ Assyria rengkalen khan khava ram inhnia antasur rekahring mihei kha ankarōkpet a aṭhōi sik hei. Upa, naipang, ankhenga antaksa karōk pet a ankehrem saia kalôn sik hei, anlê makhu loa Egypt hei inzakna sik anṭhōi sik hei.

⁵ Ethiopia chunga taksenna kaneihei leh Egypt chunga a’nlensak hei kha nam mathlâk sik hei kae, an-inhōrna makhōidâk sik kae.

⁶ Khavakha ahong tlung pha, Philisti ramri katlunga ka-om mihe’n anti sik, “Enruh, Assyria reng kalenpa a inphut ani kahuk sik a ni’nngaina mihei so heimo kati jo hei! Heikhonga mo eini akahringtor sik me?” Kût a.