HOSEA 10 - LEKHARABU INTHENG (BSI)

¹ Israelhei kha vomhrui kara katamtak inra rahōn ka-ang hei. Annei apung chenna maichâm ansyemsa chet-chet. Anram kara apung chenna, antakamuk anhlung chopuihei ansyem manṭhat chet-chet hei.

² Hōnna lungri kanei mihei kha ansetna jâra tûn antade manrim nger sik kae. Pathen in anchopui kamuk-hei leh, anmaichâm hei kha asuk manset sik hei kae.

³ Hiva mihei hin inranga anhri sik, “Keini’n reng neimak ung, ajârchu Rōngpu leiṭit mak ung. Kha’num reng inkhat in keini heimo atlopek tor sik ung?”

⁴ Anmani’n akae jenmak ṭong anhrisōt khana akadik mak intepna leh hnemna kase inhnōmna hei annei. Ṭongdik kha akadik mak hongkachang, hlei khōisa chunga kahar tûr kanei akakek ka-ang.

⁵ Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

⁶ Limhei kha Assyria reng kalenpa hnenga rengkat sik a anchoi sik. Israel khan miṭong ajui jâra inzakna leh hmaimôkna achen sik jo.

⁷ Anrengpa kha tui chunga thing inlâng kapōa antôra anṭhōisōt sik jo.

⁸ Israelhei limsyem kamukna Aven hmebung, sukset sik hei kae. Anmaichâm chunga khan rahling leh kaharbuk in amakhusi sik hei. Mihei kha’n tlânghei hneng, “Athup roh!” khana hmebunghei hneng, “Amakhusi roh!” anti sik.

Rōngpu ’n Israel Chunga Aṭongtan Ahri sōt

⁹ Rōngpu’n ahri, “Israel he’n Gibeah setna anleitlona inphut, kei dōina setna antatlo hi bângdek mak hei. Khava jâra Gibeah a retlo khan asursō sik hei.

¹⁰ Ke’n hiva mikaset-hei hi kabuhlu sik hei khana karâkna kapek sik hei. Jât he’n anmani dōina sik a inchun sik hei khana ansetna hingja jâra ankarâk sik hei.

¹¹ “Israel hi sehrat rala, sâng kachōn inchi inthla sik a phâkhat a kaṭha nenga lâksa leikachang. Tâk-kha arîng akaṭhaneng chunga khan rîngke mandopek a ṭōn inhnakchet mantlona sik kamandon jo. Ke’n Judah kha lângkôn kamankei khana Israel in ukai kamankei.

¹² Ke’n kahri, “Nanbinga hleither khōi ruh, akadik kha ling ruh, khana nanlum lona eng kara mahâmṭhatna kha inlōk ruh. Tûn hi nan-Rōngpu, kei hneng nanhong inlena sik pha jo kae, khana kei kajōng sik eng khana nanchunga mahâmṭhatna kasun mathlak pek sik chei.’

¹³ Tâk khava nek a akaṭhamak jôk nanlinga akara nanveia kae. Nanmaleisei kara nansâk a kae. “Ajârchu nanshakor gârihei leh nanremi tam jâra inngam cheia kae,

¹⁴ namihei chunga re kajōng sik, khana nanrekur rakip suk manhmang sik kae. Shalman rengpa’n rea Beltharbel khōpui asuk khōia, annuhei leh ansahei asukmanram hei kapō kha kachang sik.

¹⁵ Bethel mihei, nangni’n ṭit ka-om tak ṭhatmak nantlo jâra khang’khan nanchunga ajōng katlung sik kae. Re kha a’nphut lim leh Israel rengpa kha akathi sik kae.”