HLAHEI 99 - LEKHARABU INTHENG (BSI)

Pathen Akahratpen Reng

¹ Rōngpu hi reng kae; mihe’n anṭit a innok hei. Ama areng in-ongna mathla kanei ranhringhei chunga in-ong khana ralei hi innok.

² Ziona Rōngpu kha ratha kanei kae; phung leh jât rakip chunga ama kha akahratpen kae.

³ Mi rakip in alenna leh alûrna rahming kha anchoi ka-ân sik. A’ntheng kha ama kae!

⁴ Ratha kanei Reng, akadik kha namadu; Israelhei chunga ṭongdik naphunsōt; nang in akadik akaṭha kha nahong rôn sōt.

⁵ Ni-Rōngpu Pathen kha choi ka-ân ruh; alen in-ongna hmaikunga kamuk ruh! A’ntheng kha ama kae!

⁶ Moses leh Aaron hei kha athempuhei kae, khana Samuel kha ahnenga aleikader inkhat kae; anmani’n Rōngpu kha anbek, ama’n amasôn hei.

⁷ Ama’n sumtuk chopuia inphut anhnenga ṭong aleihri; ama’n aleipek dân leh ṭongpek-hei kha anmani’n anleijui.

⁸ O Rōngpu kan-Pathen, namihei derna namasôn hei; anset tlo jâra karâkna nanei he’num, rangei mandam Pathen nachang kha namanhmu hei.

⁹ Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.