HLAHEI 98 - LEKHARABU INTHENG (BSI)

Pathen Vânhnōi Vaikarônpa

¹ Rōngpu hneng hlather kha sak ruh; ama’n ṭōn inlak-hei atlosōt jo! Abinga arathahrat leh a’nthengna vâng khan torna kha achen jo.

² Rōngpu’n atorna kha aphôngsōt; phung leh jât mihei hneng ahuk sōtna rathahrat kha amanthei hei.

³ Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

⁴ Rōngpu hneng inpâkna hla sak ruh, raleichung rakip in; inpâkna hla vâng ông una choi ka-ân ruh!

⁵ Rōngpu hneng choi ka-ânna hla sak ruh; ṭingṭang kha mandei ruh!

⁶ Pengkun leh sharaki hei tum ruh; ni-Rōngpu ni rengpa hneng inpâk a ông ruh.

⁷ Tuipui leh ashunga ka-om ranhring rakip ông ruh; ralei khana achunga ka-om rakip inpâkna hla sak ruh!

⁸ Tuidunghei, nankut kaben ruh; hmebunghei, Rōngpu hmaikunga inpâkna hla sak manchun ruh,

⁹ ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.