HLAHEI 95 - LEKHARABU INTHENG (BSI)

Choi ka-ânna Hla

¹ Hong ruh, Rōngpu kha choi ka-ân rih! Ani kahrungpa, Pathen manpâkna hla sak rih!

² Manpâkna pekna leh inṭhōia a-âng kunga hong rih khana inpâk a achoi ka-ânna hla sak rih.

³ Ajârchu Rōngpu hi ratha kanei Pathen kae, Pathen rakip hei chunga akahratpen reng kae.

⁴ Ama’n raleichung pumpui, khur inthûkpena inphut hmebung inshângpen hei chunga vai arôn.

⁵ Ama’n asyemsōt tuipui chunga vai arôn; ama khet tasyem tlâng kachâr chunga kha’num vai arôn.

⁶ Hong ruh, eini inkun me sona kamuk rih; ani kasyem, Rōngpu hmaikunga nimarkhup thlep rih.

⁷ Ama hi ni-Pathen kae; eini hi ama ta-ensui mipui me kha kae, ama tavei kemōng rup me kha kae. Tuning ama’n heimo ahri kha rangei ruh:

⁸ “Meriba hmun a nanpu sōnhei kapōa khan nanracham manse mak ruh, Massa nêrdiram a anleiom lai kapō kha angmak ruh.

⁹ Anmani sik a ṭōn-inlak kaleitlo kha anleihmu’num anlei enmansin enga ṭong anleinei eng.

¹⁰ Khava mihei kha kum 40 shunga, ning kahongche jo heia kae. Ke’n kalei ti, ‘Heituk a ṭong kajuimak hei mo! Kaṭong pek jui sik hnōm mak hei.’

¹¹ Kahnuk leikana joa: ‘Nanchâm inhngatna sik ram kapek sik cheia khan hlutthei hêrmak jo tin chei,’ kalei ti.”