HLAHEI 86 - LEKHARABU INTHENG (BSI)

Inthōpuina sik Derna

¹ Rōngpu, kaderna rangei roh, amasôn roh, ajârchu akatlasam leh inṭangpui kase eng kae.

² Thina inphut ahuksōt roh, ajârchu naṭong kajui ṭhak kae; ahuksōt roh, ajârchu kei nasōk eng kae khana nang kataksen che.

³ Nang ka-Pathen che kae, khava jâra alungset roh; nahnenga sûn nilun kader che.

⁴ Nasōk kei hringkhō hi amanhōi pek roh, ajârchu kaderna hi nahnenga hong kakea kae.

⁵ Keini sik a kaṭha che khana narangei mandam ung, nahnenga akader rakip sik a lungsetna kasiptak che.

⁶ Rōngpu, kaderna arangei pek roh; inthōpuina sik ka-ôngna athei pek roh.

⁷ Khōdeng kathei pha heia kabek che, ajârchu kaderna hei kha namasôn eng.

⁸ Nang kapō Pathen lak tûte om mak, O Rōngpu, nang tatlo kapōa tûte’n tlotor mak hei.

⁹ Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

¹⁰ Nang chu kahrat che khana ṭōn inlak-hei natlosōt; nang rōk Pathen che kae.

¹¹ Rōngpu, nang in namantlo hnōm eng kha amanthei roh, khana ke’n hlamrintak a naṭong kajui sik; pui katluktak a nang razenna sik amanthei roh.

¹² Kalungri akhenga nang kachoi ka-ân sik che, O Rōngpu, ka-Pathen; nalenna kha are-rea kahri manthang sik.

¹³ Nalungset inthlengmak kha kei sik heituk a akalen jo mo! Thlânkhura inphut nahuksōt jo eng.

¹⁴ Mi inlensak-hei kha kei inrepui sik a kahong hei, Eh Pathen; Nang kadonmak hei, nun kase rup he’n kei thatna sik anmantluk.

¹⁵ Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

¹⁶ Kahnenga ho’nhe roh khana eilungset roh; rathahrat apek roh khana eihuk roh, ajârchu kanu tarazen eng kapōa, nang karazen che kae.

¹⁷ Rōngpu, naṭhat manchênna kha amanhmu roh, inngamna leh inthōpuina napek eng kha anhmu pha, ani kahōt hei kha inzak sik jo hei.