HLAHEI 85 - LEKHARABU INTHENG (BSI)

Phung leh Jât Hōina sik a Derna

¹ Rōngpu, naram kha lungset a naleirôn Israel kha mikahao naman chang nôk.

² Namihei setna narangei mandam hei khana anṭhena rakip donpek mak hei che.

³ Anchunga nahnuknat nabâng jo, khana nahnuknat ṭit ka-om tak kha nasur male jo.

⁴ Eh Pathen, kankahukpa, nahnenga aṭhōi male roh, kanchunga namalung tlai makna kha bâng jo roh!

⁵ Kanchunga ahei tik a nahnuk akana sik jo mo? Nahnuknat kha bângtik neimak jo ning mo?

⁶ Kanratha amanngarpek nôk roh, nami keini’n kanchoi ka-ân sik che.

⁷ O Rōngpu, nalungset inthlengmak kha amanhmu roh, khana huksōtna inthōpuina kha keini apek roh.

⁸ Rōngpu Pathen in ahri kha karangei; nilei mona hlam a khan nise nôk mak inchu ami kachang eini sik a mōngna pek sik kha a’ntepna kae.

⁹ Ama kajana kaneihei huksōtna sik ama intluk ṭhak a ka-om, khana ama huksōtna kha nirama ka-om ṭhak sik a kae.

¹⁰ Lungset leh taksen kha hong inmat sik hei; akadik leh lungmōng kha hong inchun sik hei.

¹¹ Mihring ṭongjuina khan raleia inphut chung kake sik, khana Pathen dikna khan marvâna inphut ajōng en sik me.

¹² Rōngpu’n eini mikahao amanchang sik me, niram hin kara katamtak ahong majōr sik.

¹³ Dikna khan Rōngpu hmating kase sik, ama sena sik hlam kha asyempek sik.