HLAHEI 84 - LEKHARABU INTHENG (BSI)

Pathen Inn Rangeina

¹ Akahratpen Pathen, nabekinn kha heituk a karangei jo mo?

² Khana khan heituk a aka-om hnōm jo eng mo! Pathen inna khan om sik kahngâk hla. Kamalung rakip leh akahring Pathen hneng inpâkna hla kasak.

³ Vasak he’num anrabu anchom, pengler he’num inn annei; ante kadông hei kha namaichâm hnenga anda hei. Chunghnung Rōngpu, kareng leh ka-Pathen.

⁴ Nabek-inn shunga ka-om hei kha heituk a akahōi hei mo, ahei tik a hla vâng anmanpâk ṭhak che!

⁵ Nanga inphut ratha hratna kahmu hei, Zion Tlânga honga kamukna nei sik kahngâk hlahei kha, heituk a akahōi hei mo.

⁶ Anmani’n Baka phaicham kachâr kha anhei hro jo leh chu, tuihnâr kapût hmun hongkachang jo; sûrkhō khan tuikhurhei kha amansip jo.

⁷ Ansepum a kahrat chet-chet jo hei; Ziona pathenhei Pathen kha anvahmu sik jo!

⁸ Akahratpen, Rōngpu Pathen, kaderna arangei pek roh, Eh Jacob Pathen!

⁹ Nang in nakadeisōt reng, Kanreng hi vâng pek roh, Eh Pathen.

¹⁰ Hmunhlop inkhat a kum lishing khat om kanek a nabek-inn shunga ni khat rōk om sik kha kaṭha jôk; mikaṭhamak innheia om sik kanek a ka-Pathen kot kunga khan kangir jôk sik eng.

¹¹ Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

¹² Nang kataksenhei kha heituk a akahōi hei mo, Akahratpen Rōngpu!