HLAHEI 82 - LEKHARABU INTHENG (BSI)

Vaikarôn Chunghnung Pathen

¹ Pathen in marvân vaikarônhei intûpna hlam asât; Pathenhei inpun khômna khan aṭong mathlâkna kha ahrisōt.

² “Akadik mak ṭong tanna kha nantabâng nger sik kae; mikaṭhamak-hei chunga ôtum nantanei hêrmak sik kae!

³ Sara, nu leh pa kasehei dikna kha nanta hrungpek sik hei kae; akatlasam, inṭangpui kasehei kha kaṭha en hei ruh.

⁴ Mikaṭhamak-hei ratha neina inphut huk hei ruh!

⁵ “Heituk a khō inhret mak chei mo! Heituk a invet chei mo! Nangni chu ṭhatmak a pui katluk chei, khana raleichunga hin akadik ṭongtan om mak jo.

⁶ Ke’n kahri, ‘Nangni Pathen chei kae; nangni nankhenga Inshângpen sa chei kae.’

⁷ Tâk-kha, nangni mihring thi kapōa kathi sik chei; nanhringkhō kha rengsahei inchai kapōa a’nchai sik kae.”

⁸ Eh Pathen, jōng roh vânhnōi hi vai rôn roh; jât rakip hei hi natahei kae.