HLAHEI 61 - LEKHARABU INTHENG (BSI)

Inhukna sik a Derna

¹ Kaṭana rangei roh, Eh Pathen; kaderna athei pek roh!

² Inhōrna neiloa, inna inphut kahlatak a nang kabek che! In-ungna hmun a khan aṭhōi roh,

³ ajârchu nang kakahrungpa che, ani kadōihei inrepuina khan kangar tak a ani kahrung che kha kae.

⁴ Kahringkhō katlung bit a nahmun inthenga khan om rong; namathla hnōia inhukna kha chen rong.

⁵ Ka ṭongtep hei kha nathei jo, Eh Pathen, khana nang kajana kaneihei chen kha kei um napek jo eng.

⁶ Rengpa hringkhō kum katamtak hapsa pek roh; khang’khan hringṭhak rasoh!

⁷ Na-âng shunga ahei tik a vai rôn ṭhak rasoh, Eh Pathen; nalungset inthlengmak leh hlamrinthei nachangna vâng khan kake roh.

⁸ Khava jâra nahnenga ka’ntepna anikatâi kapek che kapōa nang choi ka-ânna hla kasak ṭhak sik.