HLAHEI 54 - LEKHARABU INTHENG (BSI)

Inrepui heia Inphut Inhukna sik Derna

¹ Eh Pathen, narathahrat vâng khan ahuksōt roh; nahratna vâng khan amasō roh!

² Eh Pathen, kaderna che arangei pek roh; kaṭonghei hi athei pek roh!

³ Mi inlensak-hei khan kei buhlu sik a kahong hei; khava Pathen heitea kasak mak, mi kakhôk hei khan kei that sik a intluk hei.

⁴ Tâk-kha Pathen chu kei inthōpuipa kae. Rōngpu chu kei kahrungpa kae.

⁵ Kei inrepuihei ṭhatmakna kha anchung kalan a karâkna sik Pathen in hmang rasoh. Anmani asuk manhmang sik hei ajârchu ama chu taksenthei kae.

⁶ O Rōngpu, inpâktak a nahnenga inthoina kanei sik; nang akaṭha nachang jâra ke’n kamanpâk sik che.

⁷ Ka’nrengna rakip a inphut nahuksōt eng, khana kei inrepuihei hmaimôkna kha kahmu heia kae.