HLAHEI 43 - LEKHARABU INTHENG (BSI)

Hnongsōtpa Inkhat Derna

¹ Eh Pathen, ṭhenakase kachang amalârpek roh, khana Pathen kaṭitmak heia inphut ahuk roh; mikaṭhamak-hei leh malei kasei heia inphut akatlensōt roh!

² Nang kakahrungpa che kae, heisa mo nadahlon eng? Heisa mo ka’nrepuihei êngset jâra khōdeng kathei ṭhak sik?

³ Navâr leh nadikna kha jōng tir roh; khahei khan nang omna hmun nabek-inna, khana natlâng intheng Ziona aṭhōi hei rasoh.

⁴ Khava sōa, Eh Pathen, namaichâma kei kase sik eng; ajârchu kei hōina leh inpâkna hong inphutna kha nang che kae; Eh Pathen, ka-Pathen, kaserângdâr ka-ât a, namanpâkna hla kasak sik!

⁵ Heisa mo hinghrep a kamalung akachâm, Heisa mo hinghrep a kamalung a’nrim? Pathen hnenga inhōrna kanei sik; kakahuk inhring leh ka-Pathen kha ave nôk a kamanpâk hi sik.