HLAHEI 34 - LEKHARABU INTHENG (BSI)

Pathen Ṭhatna Choi ka-ânna

¹ Rōngpu kha ahei tik a kamanpâk ṭhak sik; ama choi ka-ânna bâng hêrmak ning.

² Ama ṭōn leitlo jâra khan ke’n kachoi ka-ân sik; suk manrima ka-om rakip he’n rangei hei sona inpâk hei rasoh!

³ Rōngpu lenna kha kei leh hrimanthang rih; arahming kha choi ka-ânsap rih!

⁴ Ke’n Rōngpu hneng kader, ama’n amasôn eng; ṭitna rakip a inphut amasō eng.

⁵ Suk manrima ka-om he’n ama an-enna inpâk hei, anmani’n ahei tik a malung tlâkna neimak hei ning.

⁶ Inthōpui kaneimak he’n ama anbek, khana ama’n amasôn hei; ama’n inrengna rakip a ahuk hei.

⁷ Rōngpu kajana kaneihei kha angeva’n ahngâk hei khana thina theia inphut ahuksōt hei.

⁸ Heituk mo Rōngpu hi akaṭha ti kha nabinga injongsōt roh! Ama a hringna kahmu mi kha anmahâm kaṭha.

⁹ Ami rakip in Rōngpu kha kaja ruh; aṭong kajui rakip in antamadu et anchen.

¹⁰ Shabakkaihei kapha’m vonṭâma kalôn hei; tâk Rōngpu ṭong kajuihei khachu ṭhatna heite vâtmak hei.

¹¹ Kaṭhōn khangdônghei, hong una kaṭong hong rangei ruh, khana Rōngpu kajana sik kamanthei sik chei.

¹² Hringkhō kahōia hmang sik nanta madu mo? Hringkhō seisôtna leh hōina sik nanta madu mo?

¹³ Kha achang inchu ṭong kaṭhamak hrimak roh, khana maleisei hrimak roh.

¹⁴ Ṭōn kaṭhamak tlona inphut inhesōt ina akaṭha kha tlo roh; intōk incham neina sik nator chen a tak tlo roh.

¹⁵ Rōngpu’n mikadik-hei kha ahngâk hei, khana anṭap rasa athei pek hei.

¹⁶ Tâk-kha ṭhatmak katlohei khachu adōi hei, anthi leh inranga mahngi anchangna sik a kae.

¹⁷ Mikadik he’n Rōngpu anbek khana ama’n amasôn hei; ama’n ankhōdengthei rakip a inphut ahuksōt hei.

¹⁸ Rōngpu kha inngamna kaneimak jo hei hnenga ka-om; inhōrna kaneimak jo hei kha ahuk hei.

¹⁹ Mikaṭha he’n khōdeng theina katamtak anratō, tâk khōdeng theina rakip a inphut Rōngpu’n ahuk hei.

²⁰ Rōngpu’n pui katluk a ahuksōt a ada hei anru inkhatbek um tlek mak.

²¹ Ṭhatmak khan mikaṭhamak kha athat sik. Akadik kahōt hei kha karâkna inpek sik hei.

²² Rōngpu’n amihei kha ahuk sik hei; inhukna kajōnga ahnenga akase rakip ahuk sik hei.