HLAHEI 23 - LEKHARABU INTHENG (BSI)

Rōngpu hi Eini Kakhempa

¹ Rōngpu kha kakakhempa kae; ke’n karangei rakip kahmu.

² Ama’n kei phi in-êmreng phaichama amanhngat eng, khana tui insimreng tuikhur kadaia aṭhōi eng.

³ Ama’n athera ratha hratna apek eng. Ama’n aṭongtep dungjuia hlam kadik a aṭhōi enga kae.

⁴ Khō inthimpak shunga kalôn innum, kei ṭimak ning, Rōngpu, ajârchu nang in na-ompui eng. Nakemōng khemna khōnghre leh natîngpum in ahuk eng.

⁵ Ka’nrepui he’n anhmu theina sik eng hmun a revei sâktlâng namantluk pek eng. Nang in kaja sik rahōi kasōk khōhme inkhat kapōa naratō eng, kakōklei inlet-leoa nasun mansip pek eng.

⁶ Naṭhatna leh nalungsetna’n kahring lai seng a-ompui ṭhak sik eng; khana na-inn kha kahring lai seng ka-inn kachang sik.