HLAHEI 20 - LEKHARABU INTHENG (BSI)

Retorna sik a Derna

¹ Nakhōdengthei pha Rōngpu’n masôn che rasoh! Jacob Pathen khan hrung che rasoh!

² Abek-inna inphut inthōpui jōng tir pek che rasoh khana Zion Tlânga inphut inṭangpuina jōngpek che rasoh.

³ Natōkna rakip rahlâng pek che sona, khana na’nthoina rakip amalung tlaina chang rasoh.

⁴ Namadu rangei kha pek che rasoh khana namantluk rakip hmesōna mannei che rasoh.

⁵ Khava pha re natorna chunga inpâk a ka-ông sik ung, khana ni-Pathen manpâk pum a natorna kanhmang sik. Rōngpu’n nangekna rakip masôn che rasoh!

⁶ Rōngpu’n akadei areng kha retorna apek ti hi tûnchu kamanhret; ama’n marvân hmun inthenga inphut ama ajōng masôn, khana arathahrat vâng retorna kalen kha apek.

⁷ Ṭhahrep he’n re tlona shakor gâri jâra inngam hei, khana alak ṭhahrep in anshakorhei jâra inngam hei, tâk eini chu Rōngpu ni-Pathen rathahrat ni’n ngampui.

⁸ Khang khava mihei kha inpai sik hei khana katlu sik hei, tâk eini chu kathōisōt sik me, khana kangir inhnet sik me!

⁹ Retorna kha rengpa hneng pek roh, O Rōngpu; kanbek che pha amasôn roh.