HLAHEI 16 - LEKHARABU INTHENG (BSI)

Hlamrintak a Derna

¹ Ahrung roh, Eh Pathen, inhukna sik a kataksen che.

² Ke’n Rōngpu hneng kahri, “Nang ka-Rōngpu che kae; neinâk kaṭha kachen rakip hei hi nanga inphut hei kae.”

³ Rōngpu’n ataksen mihei kha heituk-hrep a akaṭha jo hei mo! Kei hōinapen khachu anmani leh inthlop sik hi kae.

⁴ Pathen hlop kajōna akatlân hei khan anbinga inrimna katamtak anheirônsōt. Ke’n anmani inthoina heia invei mak ning; an-pathenhei kamuk pek mak hei ning.

⁵ Rōngpu, kei tanei chu nang rōk che kae, khana madu rangei rakip napek eng; Hnunga hringkhō hi nakut chunga ka-om.

⁶ Nakutchoi pek eng hi heituk-hrep a inlak-hei mo; heituk-hrep a akaṭha jo hei mo!

⁷ Ke’n Rōngpu kha kamanpâk, ajârchu, ama’n hlam akei eng, khana jân pha leh mandon ṭhen theina khan amanse eng.

⁸ Kei Rōngpu ângshunga ka-om eng ti hi inhret ṭhak eng. Kahnenga ka-om, khana heite’n akanok tor mak ning.

⁹ Khava jâra kamanpâk hêr khana kahōia ka-om eng, khana ahei tik a pui katluk inhukna shunga ka-om eng,

¹⁰ ajârchu thina ratha neina inphut nakhar eng. Taksen theitak a ke’n karazen jo che. Nang in kei kathirama adahlon mak che ning

¹¹ Nang in hringna ram tinga akase hlam kha namanhmu sik eng; nang omna khan kei inpâkna amansip eng, khana ahei tik a inpâkna kha ahei rôn pek eng.