HLAHEI 149 - LEKHARABU INTHENG (BSI)

Choi ka-ânna Hla

¹ Rōngpu kha choi ka-ân ruh! Rōngpu hneng hlather kha sak ruh; taksen ka-om amipuihei intûpna khan ama kha choi ka-ân ruh!

² Nankasyempa jâra Israel inpâk ruh; Nanrengpa jâra Zion mihei hōi ruh!

³ Lâm pum a arahming kha choi ka-ân ruh; Ama choi ka-ânna khan khōngpui leh serângdâr manhring hei ruh.

⁴ Rōngpu’n amihei chunga tlaina anei; torna kha apek heia malung innem hei kha akaja hei.

⁵ Torna anchen jâra Pathen mihei kha inpâk hei rasoh jân kathang inpâk a hla sak hei rasoh.

⁶ Ankut a chemjâm kangei inchoi hei sona, Pathen choi ka-ânna khan ông hei rasoh.

⁷ jât-hei kha torna sik heia leh mihei karâkna sik a;

⁸ anrenghei kha hrui vâng khitna sik a leh anhlam kakeihei kha thîrhrui vâng khitna sik a;

⁹ Pathen ṭongpek dungjuia jât-hei kha karâkna sik a kae. Hivahi Pathen mihei retorna kha kae. Rōngpu kha choi ka-ân ruh!