HLAHEI 148 - LEKHARABU INTHENG (BSI)

Vânhnōi in Pathen Choi ka-ânna sik a Bekna

¹ Rōngpu kha choi ka-ân ruh! Nangni chung inshânga aka-om chei in, marvâna inphut Rōngpu choi ka-ân ruh.

² Amarvân ngeva rakip, amarvân remi rakip in ama kha choi ka-ân ruh.

³ Kani leh thla’n ama choi ka-ân ruh; ârsi kavâr he’num choi ka-ân ruh.

⁴ A’nshângpen marvânhei bōirōk chungtinga tuihei ama kha choi ka-ân ruh.

⁵ Anmani ankhenga Rōngpu rahming kha choi ka-ân hei rasoh! Ama’n ṭong aleipek hei, khana anmani le’nsyem hei;

⁶ ama ṭongpek a khan anhmun et a inhling loa ahei tik a ka-om jo hei, kha juiloa om tor mak hei.

⁷ Raleia inphut, tui-ôngpui khōhri hei leh tui-ôngpui rakip in,

⁸ aṭong kajui khō inphe leh kahre katla, kavur leh sumtuk-hei, thli inhnak-hei Rōngpu kha choi ka-ân ruh.

⁹ Tlângbung leh hmebunghei, theikung hei leh ratu he’n,

¹⁰ sha rakip, inna leh ram a he’n, buk a kalôn leh mathla kajōng in ama kha choi ka-ân ruh.

¹¹ Renghei leh mi rakip in, rengsahei leh alak vaikarôn rakip in ama kha choi ka-ân ruh;

¹² nuhngâk leh rether he’n, katerhei leh naipang he’num, ama kha choi ka-ân ruh.

¹³ Ankhenga Rōngpu rahming kha choi ka-ân hei rasoh! Arahming kha heirakip nek a kalen jôk; alûrna kha marvân leh ralei kanek a inshâng jôk.

¹⁴ Ami rakip in anchoi ka-ân theina sik amihei kha amanhrat hei, lungset a arônpen Israelhei khan, Rōngpu kha choi ka-ân ruh!