HLAHEI 143 - LEKHARABU INTHENG (BSI)

Inthōpuina sik Derna

¹ Rōngpu, kaderna athei pek roh! Nadik jâra kangekna che arangei pek roh; taksenthei nachang jâra amasôn roh!

² Nasōk kei ṭong tan sik a eidamak roh; nang hmit ena tûte ṭhenakase om mak.

³ Ka’nrepui he’n anmanloi eng antorcher jo eng. Anmani’n kurkhum inthim shunga anda jo eng, hmalaia alei kathisa hei kha kapō joa kae.

⁴ Khava jâra ṭhatmak masō sik a intluk jo eng; kamalung hi kakōi hêr jo.

⁵ Aleikathlengsa phahei kha kamandonsōt hei, naleitlosa hei seng chunga kamandon hei, naṭōn leitlo heirakip kha mandonsōtna kaneihei.

⁶ Kaderna chea khan kakut kakalâng, ram kachâr kapōa nang rangeia karathla atui kahre.

⁷ Tûnhin amasôn roh, Rōngpu! ka’nhōrna rakip kha katlangsō jo. Kei a’nthupde mak roh, kha achang ma’nchu kathirama akase hei kâra inveisa sik jo eng.

⁸ Jîngkâr akaia nalungsetna inthlengmak kha amanthei ṭhak roh, ajârchu nang kataksen che. Kaderna nahnenga hong kaketou; kasena sik hlam kha amanhmu roh.

⁹ Nahuk sik enga nahnenga kahong eng, Rōngpu; kei inrepui heia inphut asan roh.

¹⁰ Nang ka-Pathen che kae; nalungdo tlo sik kha amanthei roh. Akaṭha kha achang pek roh, inhuk theina hlam a aching roh.

¹¹ Rōngpu, naṭong tepna kapōa, eihuksōt roh; kakhōdeng theina inphut naṭhatna vâng khan ahuk roh!

¹² Kei nalungset eng jâra ka’nrepuihei kha that hei roh, khana khōdeng ani’nthei hei kha suk manhmang hei roh, ajârchu kei nasōk eng kae.