HLAHEI 14 - LEKHARABU INTHENG (BSI)

Mihring Ṭhatmakna

¹ Mikamo he’n anbinga, “Pathen om mak,” anti. Anmani ankhenga ṭhamak hei, khana ṭit ka-omtatak ṭōnhei antlo jo; Akadik katlo inkhatbek om mak hei.

² Rōngpu’n mikasinghei, ama inmuk mihei aka-om nâk hei mo tia marvâna inphut mihring ajōng ensuk heia kae.

³ Tâk-kha anmani ankhenga dikmak jo hei; anmani ankhenga in-ang et a ṭhamak jo hei. Akaṭha katlo inkhatbek om mak hei, om hêrmak hei.

⁴ Rōngpu’n ader a, “Anmani’n manhret mak hei mo? Hiva ṭhatmak katlo rakip hei hi heite inhret mak rōk hei mo? Kamihei nei leh hao anchom heia kahring hei, khana kahnenga derna neitet mak hei.”

⁵ Tâk-kha anmani’n ṭit-inpirna antalaratō sik kae. Ajârchu Pathen in aṭong kajuihei kha a-ompui hei.

⁶ Malung innem hei ṭōnmantluk kha ṭhatmak katlohei khan ansukset pek hei, tâk Rōngpu kha anmani inhrungna kae.

⁷ Ziona inphut Israel torna kha heikhong mo akajōng sik tia kader. Rōngpu’n amanhao nôk hei pha Israel mipuihei kha heituk a a’npâk sik hei mo!