HLAHEI 138 - LEKHARABU INTHENG (BSI)

Manpâkna Derna

¹ Kamalung pumpuia nang kamanpâk che, Rōngpu; pathenhei kâra nang choi ka-ânna hla kasak.

² Nalungset inthlengmak leh taksenthei nachang jâra khan nabek-inn intheng kha kahnget a, inkun eng, khana narahming kachoi ka-âna kae, ajârchu narahming leh naṭongpek kha ratha kaneipen kae tia namalâr.

³ Nang kabek che pha namasôn eng; Nahratna vâng khan kei namanhrat chet eng.

⁴ Raleichunga reng rakip in nang anchoi ka-ân sik che, Rōngpu, ajârchu naṭongtep kha anthei joa kae.

⁵ Naṭōn leitlona chunga leh nalûrna kalen chunga anmani’n hla antasak sik kae.

⁶ Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

⁷ Khōdeng theina’n kei akachûm jo eng pha inhuk a nada eng. Hnuk kana kei inrepuihei kha nang in nadōi hei khana nahratna vâng khan nahuksōt eng.

⁸ Naṭong tepna rakip hei kha natlosōt sik hei; nang lungsetna chu kumleikōa kae, Rōngpu. Naphut jo ṭōn kha pui mathluk jo roh.