HLAHEI 137 - LEKHARABU INTHENG (BSI)

Ram hlop a Thaksōtna jâra Ṭajaisui

¹ Babylon tuidung panga le’ntung ung; khana khan Zion kanmandona leikaṭap ung.

² Kansira huisum kung heia khan kanserângdâr hei kha kanmakhei hei.

³ Anikasur hei khan hla kansakna sik a anti; anmani malung inpâkna sik tlo ruh aniti ung: “Zion chungchânga hla inkhat asak pek ruh,” anti.

⁴ Heikhong mo miram a hin Rōngpu hla kantasak thei sik?

⁵ Jerusalem, nang kha kamahngi che’nchu, kaserângdâr hi mandei thei hêrmak jo rong!

⁶ Ke’n nang kha kamandon mak che’nchu, ka’npâkna kalenpen che tia kamandon mak che’nchu, hla kha sak thei hêrmak jo parong!

⁷ Jerusalem kha Edom he’n anhlō ning khan heikhong mo antatlo kha mandon roh, Rōngpu, Anmani’n, “Raleia keimathlâk una keihler ruh!” antati kha mandon roh.

⁸ Babylon, nang suk manset sik che kae. Nang in naleitlona ung kapōa nachunga phu kahlō hei kha, mikahōihei kae–

⁹ nasahei kha antakadom heia hlungpui chunga akasuk hlon hei kha mikahōihei kae.