HLAHEI 135 - LEKHARABU INTHENG (BSI)

Choi ka-ânna Hla

¹ Rōngpu kha choi ka-ân ruh! Nangni Rōngpu sōk-hei, arahming kha choi ka-ân ruh.

² Rōngpu inna akangir, Pathen bek-inna aka-om nangni’n, ama rahming kha choi ka-ân ruh.

³ Rōngpu kha choi ka-ân ruh, ajârchu akaṭha kae; arahming choi ka-ânna hla sak ruh, ajârchu lungset kathem kae.

⁴ Ama ta sik a Jacob kha akadeisōt, ama tanei sik a Israel mipuihei kha akadeisōt hei.

⁵ Ni-Rōngpu hi kalen, Pathen rakip hei kanek a kalenpen ti hi kamanhret.

⁶ Marvân leh raleichunga, tui-ôngpui hei leh thōi inthûkna heia, amaduchen kha atlo kae.

⁷ Ama’n ralei kimvea inphut thlipui khōpui ajōng manhrâng; thlipui sik a khō ajōng manphe, khana a-inn den shunga inphut thli kha ahong masōsōt.

⁸ Ama’n Egypt ram mipuihei sapase a’nte hma-inkei rakip leh ranhring ache a’nte hma-inkei rakip hei kha aleithatsō hei.

⁹ Rengpa leh aṭōn karônhei karâkna sik a, khana khan mihring tatlo tor mak ṭōn-inlak aleitlo.

¹⁰ Jât katamtak hei kha asuk manset hei, khana reng kahrat hei kha athat hei.

¹¹ Amorhei reng Sihon, Bashan reng Og, khana Canaan reng rakip hei hi kae.

¹² Anramhei kha amihei hneng aleipek hei, Israelhei hneng aleipek hei.

¹³ Rōngpu, Pathen nachangna kha mihe’n anphôngṭhak sik che; khang rakip in anmandonsōt ṭhak sik che.

¹⁴ Rōngpu’n amihei asan sik hei; ama’n asōk-hei kha lum alo sik hei.

¹⁵ Jât-hlop hei pathenhei kha sana leh dangka vâng ansyem hei; mihring kut vânga limhei kha antasyem hei kae.

¹⁶ Khahei kha bei chu annei, tâk ṭongthei mak hei, khana hmit chu annei, tâk khō hmuthei mak hei.

¹⁷ Anmani’n kōr chu annei, tâk rasa theitor mak hei; khana anbeia khan kaphuk bek um sântor mak hei.

¹⁸ Lim kasyem leh akataksen rakip hei kha, antasyem limhei kha leh in-ang hei rasoh!

¹⁹ Israel mipuihei, Rōngpu kha choi ka-ân ruh; nangni Pathen thempuhei, ama kha choi ka-ân ruh.

²⁰ Nangni Levihei, Rōngpu kha choi ka-ân ruh! ama inmuk nangni nankhenga, ama kha choi ka-ân ruh!

²¹ Ziona Rōngpu kha choi ka-ân ruh, a-inn Jerusalema choi ka-ân ruh. Rōngpu kha choi ka-ân ruh.