HLAHEI 132 - LEKHARABU INTHENG (BSI)Kamukna Inn Choi ka-ânna 1 Rōngpu, David leh athōkna rakip hei kha mahngi mak roh. 2 Akahratpen Jacob Pathen nahnenga heimo ale’ntep Rōngpu, ama’n heimo ale’ntep hei kha mandonsōt roh: 3 “Kei inna vase mak ning a-emak leh jekhuma vajemak ning, 4 kei châm inhnga mak ning, je’m jemak ning, 5 Rōngpu sik hmun kasyem mak kârseng, akahratpen Jacob Pathen inn kasyem mak kârseng.” 6 Bethlehema Intepna bôm chungchânga kanthei, khana Jearim hleipuk a khavakha kanvahmu. 7 Keini’n, “Rōngpu inna vase rih, alen in-ongna hmaikunga vakamuk rih,” kanti. 8 Rōngpu, narathahrat manhmuna, naṭongtep thingrakōng kha leh inṭhōia nakamukna inna hin ahongpek roh, khana hinahin ahei tik a omṭhak jo roh. 9 Nathempu he’n akadik kha ahei tik a tlo hei rasoh; namipui he’n inpâk a ông hei rasoh! 10 Nang in nasōk David hneng ṭong naleitep; nakadei rengpa kha hlonsōt mak roh, Rōngpu! 11 Nalosōt nôk mak sik jo intepna kha David hneng ka-ôrtak a le’ntep che: “Nasahei kâra inkhat reng kamanchang sik, ama’n nakahnunga vai arôn sik. 12 Nasa he’n ka ṭongtep a leh kaṭong pek a khan kadik a an-om inchu, ansahei khan nangni anthleng sik chei, pha rakip a reng hongkachang sik hei.” 13 Rōngpu’n Zion kha akadeisōt jo; ama’n khavakha a-inn amanchang hnōm: 14 “Kumleikōa ka-omna sik kha hi kae; hinna inphut vaikarôn hnōm. 15 Atlâksamna rakip a Zion kha pui katluk a kapek sik; asara changna kha sâk leh in vâng kamankhop sik. 16 Athempuhei kha antlona rakip a mahâmṭhat kapek sik hei, khana amipuihei kha hla ansak a inpâk a ka-ông sik hei. 17 Hinahin David sōn leh pâr kâra inkhat rengkalen kasyem sik; hinahin kakadeisōt rengpa vairônna kha kakahuk pek sik. 18 A’nrepuihei kha inzakna’n kamakhu sik hei, tâk ama rengram chu kakhang sik, kahao sik.” |
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
Bible Society of India