HLAHEI 13 - LEKHARABU INTHENG (BSI)

Inthōpuina sik Derna

¹ Rōngpu, heitik chenmo namahngi sik eng? Kumleikō sik mo? Heituk kasôt mo na’nthupde hi sik eng?

² Heitik chenmo inrengna kalathōk sik? Heitik chenmo sûn leh jân inrimna’n kamalung hi alakasip hi sik? Heituk kasôt mo ka’nrepui he’n kei antalator hi sik eng?

³ Ajōng enroh, O Rōngpu, ka-Pathen, khana ajōng masôn roh. Karatha ajōng manngar pek nôk roh; amanthi mak roh.

⁴ Ka’nrepuihei kha, “Eini’n ama nitor jo,” manti mak hei roh. Kathōi tlâkna kha anmani inpâkna manchang mak roh.

⁵ Nalungset injônjet chunga kei in-ngai eng; Kei inpâk sik eng ajârchu nang in nahuk sik eng.

⁶ O Rōngpu, nang manpâkna hla kasak sik, ajârchu nang hi kahnenga hong kaṭha jo chea kae.