HLAHEI 129 - LEKHARABU INTHENG (BSI)

Israel Inrepuihei Kadōia Derna

¹ Israel, nakhangdông laia inphut na’nrepui he’n heikhong mo antasuk manrim che kha ahri pek roh!

² “Kei kakhangdông laia inphut ka’nrepui he’n êngsettak a anleisuk manrim eng, tâk anmani’n aleidepha tor mak hei.

³ Anmani’n kakhōn chunga hlei inkhōi kapōhrep a sungbi inthûk tatak anmanrôn eng.

⁴ Tâk-kha akadik Rōngpu’n kasōk changna inphut amasō eng.”

⁵ Zion kahōt rakip hei kha tor a om hei sona, khana hnong male chang hei rasoh!

⁶ Anmani kha inn chunga hardông akhang sōt mak lai aleikachâr bât kapō kha chang hei rasoh;

⁷ tûte’n khôm mantûplo hei, a-emak leh khit manchuna rônlo hei kha chang hei rasoh.

⁸ Anhnenga hlam kahro rakip in, “Rōngpu’n mahâmṭhat pek che rasoh! Rōngpu rahminga mahâmṭhat kanpek che,” timak hei ning.