HLAHEI 122 - LEKHARABU INTHENG (BSI)

Jerusalem Choi ka-ânna

¹ “Rōngpu inna vase rih!” anti pha, kei le’npâk eng.

² Tûnchu keini hin ka-om ung, Jerusalem sōngkot shungting kangira ka-om ung!

³ Jerusalem hi aṭhatna ngaihrep a leh injentak a insyemther khōpui kalen kahōi inkhat kae.

⁴ Hiva hmun hi phunghei hongna, Israel phunghei hongna, aṭongpek dungjuia Rōngpu inmuk anhongna hmun kha kae.

⁵ Hivahin Israel reng he’n anmihei ṭong tanna sik a in-ong hei.

⁶ Jerusalema intōk incham lengna sik a der ruh: “Nang inlungset he’m khang sōt hei rasoh.

⁷ Nakur bang shunga malung mōngna om rasoh, khan chu na-innpui shunga inhuk theina om rasoh.”

⁸ Kaṭhōnhei leh pare-patung hei jâra Jerusalem hneng, “Nachunga lung mōngna om rasoh”, ke’n kati.

⁹ Rōngpu ni-Pathen inn jâra khan, nakhangsōtna sik kader kae.